ऑक्सिजनच्या गळतीने २२ रुग्णांचा मृत्यू | पण भाजप नेत्यांना नाशिक महापालिकेत आपली सत्ता असल्याचाच विसर

नाशिक, २१ एप्रिल: राज्यात एकीकडे ऑक्सिजनची कमतरता भासत असताना दुसरीकडे नाशिकमधील महापालिकेच्या झाकीर हुसेन रुग्णालयात ऑक्सिजनची गळती झाल्याची धक्कादायक दुर्घटना झाली आहे. या ऑक्सिजन गळती दुर्घटनेत 22 पेक्षा जास्त रुग्ण दगावल्याची माहिती मिळत आहे. दरम्यान सद्यस्थितीत अग्निशमन दलाकडून गळती थांबवण्याचे काम सुरु आहे.

नाशिक महानगरपालिकेच्या झाकीर हुसेन रुग्णालयात दुपारी 12.30 च्या सुमारास ऑक्सिजनची गळती झाल्याचा प्रकार घडला. यानंतर ही गळती थांबवण्यासाठी प्रशासनाची एकच गर्दी पाहायला मिळाली. या रुग्णालयात 150 लोक व्हेंटिलेटरवर होते. त्यातील 22 जणांचा मृत्यू झाल्याची भीती व्यक्त केली जात आहे. तर 30 जण मृत्यूच्या दाढेत असल्याचे बोललं जात आहे.

रुग्णालयात पुरवठा होणाऱ्या ऑक्सिजनच्या पाइपमधून गळतीला सुरुवात झाली. आता हे पाइप कापून दुरुस्त करण्यात आले. परंतु, दुरुस्तीच्या कालावधीत रुग्णांना ऑक्सिजनचा पुरवठा पूर्णपणे बंद असल्याने काहींचा जीव गेला. रुग्णालयात 171 कोरोना रुग्ण ऑक्सिजनवर होते. तर 67 रुग्ण व्हेंटिलेटरवर होते. 22 जणांच्या मृत्यूनंतर आणखी काही रुग्णांची अवस्था गंभीर झाल्याची माहिती समोर येत आहे. सध्या नाशिक महानगरपालिकेत भाजपाची सत्ता आहे.

दरम्यान, नाशिक महानगरपालेकत भाजपाची सत्ता असली तरी भाजप नेत्यांनी जवाबदारीतून हात झटकले आहेत. एकूण भाजप नेत्यांना नाशिक महानगरपालिकेत भाजपाची सत्ता आहे याचाच विसर पडल्याचं दिसतंय. कारण भाजपचे आमदार अतुल भातखळकर, किरीट सोमैय्या, प्रवीण दरेकर यांना नाशिक महानगपालिकेवर भाजपाची सत्ता आणि त्यामुळे या भीषण दुर्घटनेची जवाबदारी देखील आपली आहे याचा विसर पडला आहे असा प्रश्न उपस्थित होतोय. भाजपच्या महापौरांना आणि उपमहापौरांना प्रश्न विचारून त्यांची उचलबांगडी करायची सोडून राज्य सरकारलाच दोष देण्यात धन्यता मानताना दिसत आहेत. विशेष म्हणजे मुंबई महानगरपालिकेत काहीही घडलं तरी शिवसेनेला लक्ष करणाऱ्या भाजप नेत्यांना नाशिकच्या सत्तेचा विसर पडल्याचं दिसतंय.

ठाकरे सरकार लोकांचे आणखी किती तळतळाट घेणार???
नाशिकमधील डॉ. झाकीर हुसेन रुग्णालयात ऑक्सिजन गळतीमुळे मृत्यू पावलेल्या ११ रुग्णांना भावपूर्ण श्रद्धांजली 🙏🙏🌷🌷

— Atul Bhatkhalkar (@BhatkhalkarA) April 21, 2021

निष्काळजीपणाने अजून किती बळी घेणार आहात?नाशिकच्या रुग्णालयात झालेली ऑक्सिजन टँकर गळती दुर्दैवी असून याबाबत आयुक्त व जिल्हाधिकाऱ्यांशी संपर्क साधला. घटनेला जबाबदार असणार्‍यांवर त्वरित कारवाई करून अशा घटना पुन्हा घडू नयेत याची काळजी घेण्यास सांगितले@CMOMaharashtra@BJP4Maharashtra

— Pravin Darekar – प्रविण दरेकर (@mipravindarekar) April 21, 2021

12 COVID Patients DIED at Nashik Hospital due to Defect in OXYGEN Supply During My Nashik Visit of 22 March, I had warned, Municipal Comisioner & Civil Surgeon. I demand action for Criminal Negligence against Thackeray Sarkar, Officials. It’s COVID Hatya by The System @BJP4India

— Kirit Somaiya (@KiritSomaiya) April 21, 2021

News English Summary: While there is a shortage of oxygen in the state on the one hand, on the other hand, a shocking accident has taken place at the Zakir Hussain Hospital in Nashik. More than 22 patients are reported to have been killed in the accident. Meanwhile, the fire brigade is currently working to stop the leak.

News English Title: Nashik oxygen leak 22 corona patients dead but BJP leaders are still engaged in politics news updates.