निर्मला सीतारमन म्हणतील की ICU, व्हेन्टिलेटर्स आणि ऑक्सिजन अभावी झालेले मृत्यू हे ‘अॅक्ट ऑफ गॉड’ आहेत - काँग्रेस

नवी दिल्ली, २३ एप्रिल: देशात करोनाचा कहर वाढत असून गेल्या २४ तासांत तीन लाखांहून अधिक करोना रुग्णांची नोंद झाली आहे. देशात पहिल्यांदाच तीन लाखांहून अधिक रुग्ण आढळले आहेत. धक्कादायक बाब म्हणजे भारतात नोंद झालेली रुग्णसंख्या ही जगातील सर्वाधिक दैनंदिन रुग्णसंख्या आहे.

देशात सध्या रुग्णसंख्या १ कोटी ५९ लाख ३० हजार ९६५ वर पोहोचली आहे. तर आतापर्यंत १ कोटी ३४ लाख ५४ हजार ८८० रुग्ण उपचारानंतर बरे झाले आहेत. गेल्या २४ तासांत झालेल्या २१०४ मृत्यूनंतर एकूण मृतांची संख्या १ लाख ८४ हजार ६५७ वर पोहोचली आहे. देशात सध्याच्या घडीला २२ लाख ९१ हजार ४२८ अॅक्टिव्ह रुग्ण आहेत. तर आतापर्यंत देशभरात १३ कोटी २३ लाख ३० हजार ६४४ जणांचं लसीकरण झालं आहे.

दरम्यान, कोरोनाची आपत्ती ही ‘अॅक्ट ऑफ गॉड’ असून यंदाही अर्थव्यवस्था आकुंचन पावणार आहे, असं सांगत केंद्रीय अर्थमंत्री निर्मला सीतारामन यांनी राज्यांना वस्तू व सेवा कराची (जीएसटी) थेट नुकसानभरपाई देण्यास केंद्र हतबल असल्याचे गुरुवारी जणू कबूल केलं होतं. तसंच केंद्रानं राज्यांना पर्यायही दिले होते. निर्मला सीतारामन यांच्या या वक्तव्यानंतर अनेक स्तरातून त्यांच्यावर टीका करण्यात आली होती.

आता काँग्रेस नेते श्रीवत्सा यांनी सध्याच्या घडामोडींवरून निर्माण सीतारमन यांच्या विधानाची पुन्हा आठवण करून दिली आहे. यासंदर्भात ट्विट करताना श्रीवत्सा यांनी म्हटलंय की, “आज पासून काही महिन्यांनी निर्मला सीतारमन नक्कीच म्हणतील की ICU, व्हेन्टिलेटर्स आणि ऑक्सिजन अभावी झालेले मृत्यू हे ‘अॅक्ट ऑफ गॉड’ आहेत.

Few months from now, Nirmala Sitharaman will surely say that deaths due to lack of ICU Ventilators & Oxygen supply was an ACT OF GOD

— Srivatsa (@srivatsayb) April 22, 2021

News English Summary: Few months from now union finance minister Nirmala Sitharaman will surely say that deaths due to lack of ICU Ventilators and Oxygen supply was an ACT OF GOD said congress leader Srivatsa news updates.

News English Title: Few months from now Nirmala Sitharaman will surely say that deaths due to lack of ICU Ventilators and Oxygen supply was an ACT OF GOD said congress leader Srivatsa news updates.