कोरोना आपत्ती | अखेर पहिली ऑक्सिजन एक्सप्रेस महाराष्ट्रात दाखल

नागपूर, २४ एप्रिल: विशाखापट्टणम येथून ऑक्सिजनचे ७ टँकर भरून निघालेली रेल्वेची पहिली ऑक्सिजन एक्प्रेस अखेर काल (२३ एप्रिल) रात्री ८ वाजता महाराष्ट्रातील नागपूर स्थानकात दाखल झाली आहे. १९ एप्रिलला कळंबोली येथून ही ऑक्सिजन एक्प्रेस विशाखापट्टणम येथे रवाना झाली होती.

राज्यात कोरोना संकटामुळे ऑक्सिजनचा तुटवडा निर्माण झाल्यानंतर रेल्वेने रो रो सेवेद्वारे ऑक्सिजन पुरविण्याचा निर्णय घेतला होता. परंतु ऑक्सिजनच्या टँकरची वाहतूक करताना काळजी घ्यावी लागत असल्याने मध्य रेल्वेने घाट मार्ग न निवडता व्हाया वसई रोड, जळगाव, नागपूर, रायपूर जंक्शन ते विशाखापट्टणम असा लांबचा मार्ग निवडला.

विशाखापट्टणम स्टील प्लांट सायडींगमधून लिक्विड मेडिकल ऑक्सिजन टँकरमध्ये भरून ही ट्रेन महाराष्ट्रात आली आहे. काल संध्याकाळी ८ वाजता ही ट्रेन नागपूर स्थानकात पोहचली. लवकरच हा तिढा सुटून राज्यात कोरोना स्थिती स्थिर होण्याचे प्रयत्न सरकारचे सुरू आहेत.

Maharashtra: Roll On Roll Off (RORO) Oxygen Express, that departed from Visakhapatnam yesterday, has arrived at Nagpur Junction railway station with 7 oxygen tankers, of which 3 tankers have been unloaded here pic.twitter.com/tISRMcyte4

— ANI (@ANI) April 23, 2021

News English Summary: Maharashtra Roll On Roll Off (RORO) Oxygen Express, that departed from Visakhapatnam yesterday, has arrived at Nagpur Junction railway station with 7 oxygen tankers, of which 3 tankers have been unloaded here news updates.

News English Title: Oxygen Express that departed from Visakhapatnam yesterday has arrived at Nagpur Junction railway station with 7 oxygen tankers news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.