राजीव सातव यांची प्रकृती स्थिर असून कुठलीही गंभीर लक्षणे नाहीत | पुण्यातच उपचार - कुटुंबीयांची माहिती

पुणे, २९ एप्रिल | कॉंग्रेसचे खासदार राजीव सातव यांची प्रकृती स्थिर असून कुठलीही गंभीर लक्षणे नाहीत. मात्र केवळ पर्यवेक्षण व रुटीन तपासणीसाठी मुंबई येथील पथक येणार असल्याची माहिती त्यांच्या निकटवर्तीयांनी गुरुवारी प्रसार माध्यमांशी बोलताना दिली आहे. खासदार राजीव सातव मागील आठवड्यातच हिंगोली येथे आले होते. यावेळी त्यांनी जिल्ह्यातील कोविड रुग्णांना दिल्या जाणाऱ्या सेवा व रुग्णांची परिस्थिती याची सविस्तर चौकशी केली होती. जिल्ह्यात रुग्णांची संख्या वाढल्यास काय उपाययोजना कराव्या लागतील याची माहितीही त्यांनी जिल्हाधिकारी रुचेश जयवंशी यांची भेट घेऊन घेतली होती. त्यानुसार त्यांनी पालकमंत्री प्रा. वर्षा गायकवाड यांच्याकडे हिंगोली जिल्ह्यातील सुविधांबाबत कळविले होते.

खासदार राजीव सातव यांची प्रकृती अतिशय चिंताजनक असल्याचे वृत्त काही माध्यमांवर देण्यात आले आहे. तसेच त्यांना मुंबईत हलवले जाणार असेही सांगितले जात आहे. एवढेच नव्हे, तर सोशल मीडियावर सुद्धा अफवा पसरवल्या जात आहेत. परंतु, त्यांना मुंबईत हलवले जाणार नाही. सोबतच, त्यांची प्रकृती आता स्थिर असल्याचे त्यांच्या निकटवर्तियांचे म्हणणे आहे.

दरम्यान, २२ एप्रिलला राजीव सातव यांनी ट्विट करत आपल्याला करोनाची लागण झाली असल्याची माहिती दिली होती. “सौम्य लक्षणं जाणवल्यानंतर चाचणी केली असता आपला करोना रिपोर्ट पॉझिटिव्ह आला आहे. आपल्या संपर्कात आलेल्या सर्वांनी नियमांचं पालन करावं,” असं आवाहन त्यांनी ट्विटमधून केलं होतं.

After experiencing mild symptoms, I’ve tested positive for COVID.

All those who have been in contact with me recently, please follow all safety protocols.

— Rajeev Satav (@SATAVRAJEEV) April 22, 2021

News English Summary: Congress MP Rajiv Satav is in stable condition and has no serious symptoms. However, his close aides told the media on Thursday that a team from Mumbai would come only for supervision and routine inspection.

News English Title: Congress MP Rajiv Satav is in stable condition and has no serious symptoms said family members news updates.