आता पाणी डोक्यावरून गेलंय | आजच दिल्लीला ४९० मेट्रिक टन ऑक्सिजन पुरवा - दिल्ली हायकोर्ट

नवी दिल्ली, १ मे | देशात कोरोनाची दुसरी लाट दिवसेंदिवस भयंकर होत असताना दिसत आहे. शुक्रवारी येथे विक्रमी 4 लाख 1 हजार 911 नवीन संक्रमित आढळले. हे जगातील कोणत्याही देशामधून एका दिवसात मिळालेल्या संक्रमितांचा सर्वात मोठा आकडा आहे. एवढेच नाही तर हा आकडा सर्वात जास्त संक्रमित अमेरिकेमध्ये मिळालेल्या नवीन रुग्णांपेक्षा सात पटींनी जास्त आहे. येथे शुक्रवारी 58,700 केस समोर आल्या. संपूर्ण जगात 8.66 लाख नवीन रुग्णांची ओळख झाली आहे. यामधून जवळपास अर्धे (46%) भारतातच आढळले आहेत.

मृतांच्या आकड्यांविषयी बोलायचे झाले तर जगात सर्वात जास्त मृत्यू भारतामध्येच होत आहेत. काल येथे कोरोनामुळे 3,521 लोकांचा मृत्यू झाला. हा देखील एक विक्रम आहे. सर्वात जास्त मृत्यू महाराष्ट्रात झाले आहे. येथे 828 संक्रमितांनी प्राण गमावले आहेत.

दरम्यान, देशात सर्वत्र ऑक्सिजन, रेमडीसीवीर आणि लसीच्या तुटवड्यामुळे मोदी सरकारवर प्रचंड टीका होताना दिसत आहे. देशाची राजधानी असलेल्या दिल्लीत देखील इस्पितळांमध्ये ऑक्सिजनचा प्रचंड तुटवडा जाणवत आहे. परिणामी आज दिल्लीच्या बत्रा रुग्णालयात 8 रुग्णांचा ऑक्सिजनअभावी मृत्यू झाला आहे. या घटनेबाबत इस्पितळातील गॅस्ट्रो विभागाचे डॉक्टर डॉ. एस.सी.एल. गुप्ता प्रसार माध्यमांना माहिती दिली. विशेष म्हणजे त्यांनी सध्याच्या स्थिती वरून अनेक गंभीर प्रश्न देखील उपस्थित केले आहेत.

दिल्लीत ऑक्सिजन अभावी बत्रा इस्पितळात ८ रुग्णांचा मृत्यू | डॉक्टरांनी सांगितली अवस्था
A doctor of the hospital from the gastro Dept. Dr. SCL Gupta, Medical Director, Batra speaking about the incident pic.twitter.com/XJXR7rts3i

— महाराष्ट्रनामा न्यूज (@MahaNewsConnect) May 1, 2021

दरम्यान, आज दुपारी घडलेल्या दुर्घटनेचे पडसाद दिल्ली हायकोर्टाच्या या प्रकरणाच्या सुरू असलेल्या सुनावणीमध्ये देखील पडताना दिसत आहेत. आज याच सुनावणीदरम्यान दिल्ली हायकोर्टाने केंद्र सरकारला परखड शब्दांमध्ये फटकारले आहे. “आता पाणी डोक्यावरून गेलं आहे. आता आम्हाला अंमलबजावणी हवी आहे. तुम्ही आता सगळ्याची व्यवस्था करणार आहात. काहीही करून दिल्लीला आजच्या आज ४९० मेट्रिक टन ऑक्सिजन पुरवला गेला पाहिजे”, असे आदेश दिल्ली उच्च हायकोर्टाने केंद्र सरकारला दिले आहेत.

HC directs Centre to ensure that Delhi receives its 490 MT oxygen supply today by whatever means.

— ANI (@ANI) May 1, 2021

केंद्र सरकारकडून जाहीर केलेला साठा देखील पुरवला जात नसल्याची बाजू राज्य सरकारने मांडली आहे. यासंदर्भात दिल्ली उच्च न्यायालयात रोज सुनावणी सुरू असून त्यामध्ये दिल्ली सरकार आणि केंद्र सरकार अशा दोन्ही सरकारांना न्यायालयाने वेळोवेळी सुनावले आहे.

News English Summary: The repercussions of the tragedy this afternoon are also being felt in the ongoing hearing of the Delhi High Court case. During today’s hearing, the Delhi High Court slammed the Center. “Now the water has gone over my head. Now we need implementation. You’re going to take care of everything now. The Delhi High Court has directed the Center to provide 490 metric tonnes of oxygen to Delhi today.

News English Title: Delhi high court fired Modi govt over oxygen shortage issue in Delhi news updates.