मेटेंच्या बैठका | १६ तारखेनंतर राज्यभरात मोर्चे काढण्याची तयारी, कोरोना संकट भीषण होण्याची शक्यता

बीड, ०६ मे : सुप्रीम कोर्टाने काल मराठा आरक्षण रद्द केल्यानंतर आता मराठा समाज पुन्हा एकदा आक्रमक झाला आहे. मराठा समाजाने पुन्हा मोर्चे काढण्याचा निश्चय केला आहे. बीडमध्ये आज मराठा आरक्षण संदर्भातील बैठक पार पडली. या बैठकीत लॉकडाऊन संपल्यावर १६ मे पासून मोर्चा काढण्यावर एकमत झालं आहे. बीडमधून पहिला मोर्चा काढला जाणार आहे. उद्या जिल्हाधिकाऱ्यांना निवेदन देण्यात येणार आहे. हे मोर्चे राज्यभरात काढण्यात येतील, अशी माहिती शिवसंग्रामचे नेते विनायक मेटे यांनी दिली आहे.

सर्वोच्च न्यायालयानं मराठा आरक्षण कायदा रद्द केल्यानंतर बीडमध्ये या संदर्भातील बैठक घेण्यात आली. मराठा आरक्षणासंदर्भातील निवेदन जिल्हाधिकाऱ्यांना उद्या देण्याचा निर्णय घेण्यात आला. लॉकडाऊन संपल्यावर १६ तारखेला मोर्चाचे आयोजन करण्यात आलं आहे. मात्र, मराठा संघटनांनी घेतलेल्या या भूमिकेकमुळं राज्य सरकारची डोकेदुखी वाढण्याची शक्यता आहे. राज्यभरात मोर्चे काढणार असल्याची माहिती यावेळी विनायक मेटे यांनी दिली. पहिल्या मोर्चा मोर्चाची सुरुवात ही बीड मधून होणार आहे.

दरम्यान, राज्यात कोरोनाने परिस्थिती गंभीर असताना काही भाजप समर्थक राज्यातील वातावरण तापविण्याच्या तयारीत असल्याची चर्चा समाज माध्यमांवरून व्यक्त होतं आहे. भाजप समर्थक नेते मराठा समाजाला भडकावण्यासाठी वेळ काढत आहेत, मात्र भाजप नेत्यांना घेऊन पंतप्रधान मोदी आणि राष्ट्र्वापतींना भेटून या विषयात मार्ग काढण्याचं धाडस दाखवत नसल्याचं देखील म्हटलं जातंय.

एक मराठा लाख मराठा !!! pic.twitter.com/iEpjJAyP7R

— nitesh rane (@NiteshNRane) May 6, 2021

मराठा आरक्षणासाठी लढणारे औरंगाबाद येथील विनोद पाटील पुन्हा सुप्रीम कोर्टाचे दार ठोठावणार आहेत. विनोद पाटील सुप्रीम कोर्टात पुनर्विचार याचिका दाखल करणार आहेत. या याचिकेद्वारे नवीन मुद्दे न्यायालयाच्या निदर्शनास आणून देणार असल्याचं विनोद पाटील यांनी सांगितलं. इतर राज्यातील आरक्षणाची स्थिती न्यायालयाच्या निदर्शनास आणणार आहे. इतर राज्याच्या धर्तीवर आरक्षणाची मागणी करणार असल्याची माहिती विनोद पाटील यांनी दिली. सुप्रीम कोर्टानं निकाल जाहीर केल्यानंतर ३० दिवसांच्या आत पुनर्विचार याचिका ही दाखल करावी लागते.

News English Summary: A meeting regarding Maratha reservation was held in Beed today. In this meeting, it has been agreed to take out a morcha from 16th May after the end of lockdown. The first march will be taken out from Beed. A statement will be given to the district collector tomorrow. These rallies will be held across the state, informed Shiv Sangram leader Vinayak Mete.

News English Title: Maratha Morcha after after 16 May over supreme court decision regarding reservation news updates.