केंद्र सरकारचा ढिम्म कारभार | अखेर सुप्रीम कोर्टाकडून १२ सदस्यीय टास्क फोर्सची स्थापना

नवी दिल्ली, ०८ मे | कोरोनाच्या दुसर्‍या लाटेदरम्यान, सर्वोच्च न्यायालयाने देशात औषधे आणि ऑक्सिजन पुरवण्याबाबत एक टास्क फोर्स स्थापन केला आहे. हा टास्क फोर्स औषधांच्या उपलब्धतेसाठी आवश्यक उपाययोजना सुचवेल. त्याचबरोबर हा टास्क फोर्स राज्यांना ऑक्सिजन पुरवण्यासाठी एक वैज्ञानिक आणि व्यावहारिक फॉर्म्युलाही तयार करेल. न्यायमूर्ती डी वाय चंद्रचूड यांच्या अध्यक्षतेखालील खंडपीठाने हा आदेश दिला. रिपोर्टनुसार, या टास्क फोर्समध्ये 12 सदस्य आहेत. त्यापैकी 10 देशातील नामांकित डॉक्टर आणि दोन सरकारी स्तरावरील अधिकारी असतील.

सुप्रीम कोर्टाने नॅशनल टास्क फोर्स बनवला, हा देशातील औषधे आणि ऑक्सिजन पुरवठ्याची यंत्रणा तयार करेल pic.twitter.com/J6O8pJ1CUH

— महाराष्ट्रनामा न्यूज (@MahaNewsConnect) May 8, 2021

अचानक कोरोना रूग्णांच्या संख्येत वाढ झाल्याने देशभरात औषधे आणि ऑक्सिजनची कमतरता निर्माण झाली. बर्‍याच रुग्णालयांमध्ये ऑक्सिजन कमी झाल्यामुळे रुग्णांच्या मृत्यूच्या घटनाही घडल्या. ते पाहता ऑक्सिजन एक्सप्रेस चालवण्याबरोबरच सरकारने परदेशातून ऑक्सिजन प्लांट आयात केले. असे असूनही, बऱ्याच राज्यात ही समस्या दूर झाली नाही. आता या समस्येचा सामना करण्यासाठी सुप्रीम कोर्टाने पुढाकार घेतला आहे.

News English Summary: The Supreme Court is keeping an eye on Corona’s condition. For this, the Supreme Court on Saturday set up a 12-member task force to supply oxygen and medicines.

News English Title: Supreme Court of India set 12 member national task force for oxygen distribution in state news updates.