१८ ते ४४ वयोगटाचं लसीकरण | प्रशांत किशोर यांचं भाकीत खरं ठरलं | केंद्राच्या भोंगळ कारभाराची किंमत देशातील राज्यं भोगणार

नवी दिल्ली, १२ मे | देशात सध्या ४५ वर्षांवरील नागरिकांचे राष्ट्रीय लसीकरण कार्यक्रमांतर्गत लसीकरण केले जात असून एकट्या महाराष्ट्रात सुमारे ५ लाख नागरिक लसीच्या दुसऱ्या डोसच्या प्रतीक्षेत आहेत. केंद्र शासनाकडून त्यासाठी पुरवण्यात आलेले डोस पुरेसे नसल्याने १८ ते ४४ वयोगटाच्या लसीकरणासाठी राज्य शासनाने खरेदी केलेल्या डोसेसमधून दुसरा डोस देण्याचा निर्णय घेतल्याची माहिती आरोग्यमंत्री राजेश टोपे यांनी मंगळवारी दिली.

सध्या महाराष्ट्रात कोव्हॅक्सिन लसींचे ३५ हजार डोस शिल्लक आहेत आणि ४५ वर्षांवरील सुमारे ५ लाख नागरिक दुसऱ्या डोसच्या (कोव्हॅक्सिन) प्रतीक्षेत आहेत. एवढ्या मोठ्या संख्येच्या नागरिकांसाठी हे डोस पुरेसे नसून त्याबाबत मुख्यमंत्र्यांशी चर्चा करण्यात आली आहे. त्यानुसार १८ ते ४४ वयोगटासाठी राज्य शासनाने खरेदी केलेले कोव्हॅक्सिनचे २ लाख ७५ हजार डोसेस आणि शिल्लक ३५ हजार डोसेस असे एकूण सुमारे ३ लाखावर डोसेस ४५ वर्षांवरील नागरिकांसाठी वापरण्यात येणार आहेत. तशा सूचना राज्यातील सर्व लसीकरण केंद्रांना दिल्या आहेत. कोविशील्डचा देखील दुसरा डोस सुमारे १६ लाख नागरिकांना द्यायचा आहे.

राज्य सरकारांनी खरेदी केलेली लस केंद्र शासनाच्या लसीकरण कार्यक्रमासाठी वापरावी लागणार असल्याने केंद्राची तयारी आणि भोंगळ कारभार समोर आला आहे. केंद्र स्वतः तत्पर आणि तयार नसताना नकोत्या घोषणा करून मार्केटिंग करत बसल्याचं देखील सिद्ध झाले आहे. वर्तमान आणि भविष्याचा वस्तुस्थितीला धरून कोणताही विचार केंद्राने न केल्याने राज्यांना त्यांच्या योजना बदलाव्या लागत आहेत.

केंद्र सरकारने लस किती प्रमाणात उपलब्ध आणि त्याच्या निर्मितीवर अभ्यास न करता १८ ते ४४ वयोगटातील लोकांच्या लसीकरणाची घोषणा करताना त्याचा संपूर्ण खर्च करण्याची राज्यांवर टाकला. मात्र आता केंद्राच्या ४५ ते अधिक वयाच्या लसीकरणासाठी राज्यांना त्यांच्या मोहीम थांबवाव्या लागत आहेत आणि पैसे देखील केंद्राच्या मोहोमेवर वर्ग करावे लागत असल्याचं पाहायला मिळतंय. तत्पूर्वी, प्रशांत किशोर यांनी एप्रिल महिन्यात ट्विट करून याची आधीच भविष्यवाणी केली होती आणि ती पूर्णपणे खरी ठरली आहे. यासंदर्भात ट्विट करताना प्रशांत किशोर यांनी म्हटलं होतं, “वस्तुस्थिती: १८ ते ४४ वयोगातील लोकांचं लसीकरण विसरा…. इथे ४५ वयोगटावरील ३५ कोटी लोकांसाठी लस पुरेसी नाही….. अगदी ऑगस्ट पर्यंत नाही.

#Vaccines की व्यवस्था के बिना 18-44 साल के ~58Cr लोगों के लिए “टीकाकरण अभियान” जैसा #MasterStroke सिर्फ़ #ModiSarkar के ही बस की बात है!

Fact: Forget about vaccines for people age 18-44 years, there is not enough vaccines for ~35Cr people above 45 years, not till Aug #CoWin

— Prashant Kishor (@PrashantKishor) April 28, 2021

News English Summary: The Fact is, Forget about vaccines for people age 18 to 44 years, there is not enough vaccines for 35 Crore people above 45 years and not till Aug CoWin said Prashant Kishor news updates.

News English Title: Prashant Kishor prediction about vaccines for people age 18 to 44 years gone true news updates.