प.बंगाल | तृणमूल सोडून भाजपात गेलेले नेते काही दिवसातच भाजपाला कंटाळले | ममतांना पत्र

नवी दिल्ली, २३ मे | प. बंगालमध्ये विधानसभा निवडणुका आटोपून ममता बॅनर्जी यांच्या नेतृत्वाखालील सरकार स्थापन झालं असलं, तरी राजकीय घडामोडींचा सपाट सुरूच आहे. तब्बल चार वेळा आमदार राहिलेल्या सोनाली गुहा यांनी मुख्यमंत्री ममता बॅनर्जींना पत्र लिहिलं आहे. “भारतीय जनता पक्षात प्रवेश करून चूक केली, दिदीशिवाय राहू शकत नाही,” असं म्हणत घरवापसी करून घेण्याची विनवणी केली आहे.

प. बंगाल विधानसभा निवडणुकीच्या तोंडावर तृणमूल काँग्रेसमधील अनेक नेते भारतीय जनता पक्षात दाखल झाले होते. यात टीएमसी’मध्ये असताना चार वेळा आमदार राहिलेल्या सोनाली गुहा यांचाही समावेश होता. विधानसभा निवडणुकीआधी भारतीय जनता पक्षात दाखल झालेल्या सोनाली गुहा यांना आता पुन्हा टीएमसी’च्या वाटेवर आहेत. त्यांनी तसं पत्र लिहून आपल्याला पक्षात घेण्याची विनवणी मुख्यमंत्री ममता बॅनर्जी यांच्याकडे केली आहे.

भारतीय जनता पक्षात प्रवेश करून चूक केली. पक्ष सोडल्याबद्दल मी आपली माफी मागते. जर आपण मला माफ केलं नाही, तर मी जिवंत राहू शकणार नाही. कृपया मला पुन्हा पक्षात प्रवेश करण्याची परवानगी द्यावी, जेणेकरून मी माझं उर्वरित आयुष्य आपल्या सहवासात घालवू शकेल. ज्या पद्धतीने मासा पाण्याशिवाय राहू शकत नाही, त्याचप्रमाणे दीदी, मी सुद्धा तुमच्याशिवाय राहू शकणार नाही,” असं म्हणत सोनाली गुहा यांनी आपल्याला पुन्हा तृणमूल काँग्रेसमध्ये घेण्याची विनवणी ममता बॅनर्जी यांना केली आहे.

News English Summary: Sonali Guha, a four-time MLA, has written a letter to Chief Minister Mamata Banerjee. “I made a mistake by joining the BJP. I can’t live without my sister,” he said.

News English Title: West Bengal can not Live without Didi said BJP leader Sonali Guha To CM Mamata Banergee news updates.