टीकेच्या नादात, निलेश राणेंच्या ट्विटमध्ये महाविकास आघाडी सरकार २०२४ पर्यंत कायम राहण्याचे संकेत

मुंबई, २६ मे | राष्ट्रवादीचे आमदार रोहित पवार यांच्या कोविड सेंटरमधील नृत्यावरून सुरू झालेला राजकीय थयथयाट अजून सुरूच आहे. आता भाजपचे माजी खासदार निलेश राणे यांनी कोविड सेंटरमधील नृत्यावरून रोहित पवारांवर टीकास्त्र सोडलं आहे.

निलेश राणे यांनी ट्विट करून ही टीका केली आहे. ‘आजोबांनी आयपीएल आणून चिअरलीडर्स नाचवल्या. नातू कोविड सेंटरमध्ये नाचतोय. वर स्वतःची बाजू घेण्यासाठी सांगतो की, मी नेहमी सेंटरमध्ये जाऊन नाचतो. नाचा, जेवढं नाचायचं तेवढं 2024 पर्यंत नाचून घ्या’, अशी टीका निलेश राणे यांनी केली आहे. त्यामुळे निलेश राणे यांच्या या टीकेला रोहित पवार काय उत्तर देतात याकडे सर्वांचं लक्ष लागलं आहे.

आजोबांनी आयपीएल आणून चीअरलीडर्स नाचवल्या, नातू कोविड सेंटर मध्ये नाचतो. स्वतःची बाजू घेण्यासाठी सांगतो की मी नेहमी जाऊन सेंटर मध्ये नाचतो. नाचा, जेवढं नाचायचं तेवढं २०२४ पर्यंत नाचून घ्या. pic.twitter.com/MRAwActEiz

— Nilesh N Rane (@meNeeleshNRane) May 26, 2021

मात्र टीका करण्याच्या नादात निलेश राणे जे बोलून गेले त्यानुसार महाविकास आघाडी सरकार २०२४ पर्यंत कायम राहणार आणि फडणवीस पुन्हा येणार नाहीत हे अप्रत्यक्षरीत्या निश्चित झालं आहे असंच म्हणावं लागेल. एकूण महाविकास आघाडी सरकार पडणार नाही हे भाजप नेत्यांना माहित आहे आणि केवळ संभ्रम पसरवून फुटणाऱ्या भाजप नेत्यांना थोपवण्यासाठी राजकीय पुड्या सोडल्या जातात हे यावरून सिद्ध होतंय असं म्हणावं लागेल.

News English Summary: The political turmoil that started with the dance at NCP MLA Rohit Pawar’s Covid Center is still going on. Now, former BJP MP Nilesh Rane has castigated Rohit Pawar for dancing at the Covid Center.

News English Title: BJP leader Nilesh Rane criticized NCP MLA Rohit Pawar over covid care center issue news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.