BREAKING | 'पतंजलि' भेसळयुक्त खाद्यतेल, जिल्हाधिकाऱ्यांच्या धाडीनंतर कारखाना सील

जयपूर, २८ मे | एकीकडे भारतीय वैद्यकीय संघटनेने (आयएमए) गुरुवारी योगगुरू रामदेव बाबा यांच्याविरोधात पोलिसांकडे तक्रार नोंदविली. अ‍ॅलोपथीबाबत अप्रामाणिक आणि चुकीचे विचार मांडल्याबद्दल बाबांविरुद्ध एफआयआर नोंदविण्याची मागणीही करण्यात आली आहे. रामदेव बाबा यांनी प्रस्थापित आणि मान्यताप्राप्त पद्धत आणि औषधांबाबत जाणीवपूर्वक चुकीची, निराधार माहिती पसरवली आहे, असे तक्रारीत म्हटले आहे.

दुसरीकडे, योगगुरू बाबा रामदेव आता राजस्थान सरकारच्या निशाण्यावर आले आहेत. राज्यस्थान सरकारकडून काल रात्री उशिरा ‘पतंजलि’च्या कारखान्यावर धाड टाकण्यात आली. यावेळी मोहरीच्या तेलात भेसळ करण्यात येत असल्याचं उघडकीस आलं आहे. यापार्श्वभूमीवर ‘पतंजलि’चा अल्वर येथील खाद्यतेल कारखाना सील करण्यात आला आहे. जिल्हाधिकाऱ्यांच्या नेतृत्वाखाली करण्यात आलेल्या या कारवाईचं व्हिडिओ चित्रिकरणसुद्धा करण्यात आलं आहे.

याआधी बाबा रामदेव यांची कंपनी असलेल्या पतंजलिकडून उत्पादन केल्या जाणाऱ्या मोहरीच्या तेलावर खाद्य तेल उद्योग संघटनेनं (SEA) देखील आक्षेप घेतला होता. एसईएनं ‘पतंजलि’च्या जाहिरातीवर आक्षेप घेतला होता. ज्यात इतर कंपन्यांच्या तेलात भेसळ असल्याचा दावा पतंजलिकडून करण्यात येत होता. दरम्यान, राजस्थानच्या अल्वर जिल्ह्यातील खैरथलमध्ये पतंजलि ब्रँडच्या मोहरी तेलाच्या उत्पादन प्रकल्पात तेलाचं पॅकेजिंग आणि भेसळ केली गेल्याची माहिती प्रशासनाला मिळाल्यानंतर कारवाई करण्यात आली. प्रशासनाकडून सिंघानिया आयल मिलवर छापा मारला आणि कारखाना सील करण्यात आला. कारखान्यात ‘पतंजलि’चे पॅकेट्स मोठ्या प्रमाणात जप्त करण्यात आले आहेत.

News English Summary: Patanjali’s factory was raided late last night. It has been revealed that mustard oil is being adulterated at this time. Against this backdrop, Patanjali’s edible oil factory at Alwar has been sealed. The action taken under the leadership of the District Collector has also been videotaped.

News English Title: Rajasthan state govt seize edible oil factory Alwar after allegations adulteration Patanjali Sarson oil news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.