मराठा आरक्षणाच्याविरोधात 'वन मेरिट वन नेशन' या संस्थेला भाजपने रसद पुरवली - अरविंद सावंत

मुंबई, २९ मे |  मराठा आरक्षणाच्या मुद्द्यावर चर्चा करण्यासाठी पंतप्रधान नरेंद्र मोदी यांनी जवळपास एक वर्ष प्रयत्न करुनही संभाजीराजे छत्रपती यांना भेट दिली नाही. संभाजीराजेंची ही अवहेलना भारतीय जनता पक्षाच्या अंगाशी येणार आहे, असा थेट इशारा शिवसेना खासदार अरविंद सावंत यांनी दिला. ते शनिवारी मुंबईत प्रसारमाध्यमांशी बोलत होते.

यावेळी त्यांनी मराठा आरक्षणाच्याविरोधात भारतीय जनता पक्षाकडूनच रसद पुरवण्यात येत असल्याचा गंभीर आरोप केला. ‘वन मेरिट, वन नेशन’, ही संस्था मराठा आरक्षणाच्या विरोधात आहे. या संस्थेचे सर्व प्रमुख हे भारतीय जनता पक्षाचे पदाधिकारी आहेत. या संस्थेने मराठा आरक्षणाच्या विरोधात कोर्टात वकील नेमून लढा दिला. त्यामुळे लोकांनी आता खरा शत्रू कोण आहे, हे ओळखावं, असे म्हटले.

मराठा आरक्षणासंदर्भात निर्णय घेण्यासाठी सर्व हुकूमाचे पत्ते पंतप्रधान मोदी यांच्याकडेच आहेत, हे संजय राऊतांचं वक्तव्य अगदी योग्य आहे. लोकसभेतही मराठा आरक्षणाच्या मुद्द्यावर चर्चा झाली तेव्हा हा घटनादुरुस्तीचा मुद्दा आहे, हे मी सांगितलं होतं. परंतु, केंद्र सरकार जाणीपूर्वक घटनादुरुस्ती करणे टाळत असल्याचे अरविंद सावंत यांनी म्हटले.

तत्पूर्वी, काँग्रेसचे मुख्य प्रवक्ते सचिन सावंत यांनी Save Merit Save Nation संघटना भारतीय जनता पक्षाशी आणि संघाशी संबंधित असल्याचं गौप्यस्फोट केला होता. सचिन सावंत यांनी सेव्ह मेरीट सेव्ह नेशन संघटनेचे मूळ संस्थापक डॉ. अनुप मरार हे भारतीय जनता पक्षाचे पदाधिकारी असल्याचे कागदपत्रे ट्विट केली होती. “मराठा आरक्षणाला निकराने विरोध करणाऱ्या Save Merit Save Nation संघटनेचे मूळ संस्थापक ज्यांनी स्वतःचा पत्त्यावर ही संस्था स्थापन केली, ते डॉ अनुप मरार हे भाजपाचे पदाधिकारी कसे? महाराष्ट्र भारतीय जनता पक्षाने उत्तर द्यावे. चंद्रकांत पाटीलजी, ही भाजपा ची मराठा समाजाशी गद्दारी नाही का?,” असा संतप्त सवाल सावंत यांनी केला होता.

Dr.Anup Marar & Dr.Vinky Rughwani of Vidarbha Hospital Association met Former CM & LoP @Dev_Fadnavis in Nagpur to convey about difficulties faced by hospitals in Vidarbha region & requested for support.@Dev_Fadnavis assured to raise the issues before appropriate authorities. pic.twitter.com/pr1PuPmyT4

— @OfficeOfDevendra (@Devendra_Office) April 23, 2021

News English Summary: He made a serious allegation that the Bharatiya Janata Party was providing logistics against the Maratha reservation. ‘One Merit, One Nation’, this organization is against Maratha reservation. All the heads of this organization are office bearers of the Bharatiya Janata Party. This organization fought against the Maratha reservation by appointing a lawyer in the court. So people should now identify who the real enemy is, he said.

News English Title: Shivsena MP Arvind Sawant allegations on BJP over anti Maratha Reservation plea in court news updates.