हॅकर'च थेट पंतप्रधानांना आधार चॅलेंज, तुम्ही तुमचा आधार नंबर सार्वजनिक करू शकता?

नवी दिल्ली : फ्रेंच हॅकर इलियट अल्डरसन यांने काल भारताच्या आधार कार्ड’च्या सुरक्षेचे अक्षरशः धिंडवडे काढले आणि थेट ट्राय’च्या अध्यक्षांची आधार कार्ड’ला लिंक असणारी सर्व गोपनीय माहिती उघड केली होती आणि एकच खळबळ माजली होती. परंतु हा फ्रेंच हॅकर अल्डरसन इथेच थांबलेला नाही.

इलियट अल्डरसन’ने आता थेट पंतप्रधान नरेंद्र मोदींना ट्विट करत,’तुम्ही तुमचा आधार नंबर सार्वजनिक करू शकता? जर असेल तर?’ असा प्रश्न केल्याने त्याचा भारतीय ऑनलाईन व्यवस्थेवरील ढिसाळ सुरक्षेवर किती विश्वास आहे याचा प्रत्यय आला आहे. कालच त्याने ट्राय’चे अध्यक्ष आर एस शर्मा यांची गोपनीय माहिती उघड केली होती आणि ती समाज माध्यमांवर सार्वजनिक केली होती. त्यानंतर युआयडीएआयने ट्रायच्या अध्यक्षांचा डेटा हॅक झालाच नसून हॅकरने त्यांची पहिल्यापासूनच सार्वजनिक असलेली माहिती दाखवत आधारचा डेटा हॅक झाल्याची सारवासारव केली होती.

परंतु वेळोवेळी इतरांना चॅलेंज देणारे मोदी आता इलियट अल्डरसन’चे हे आवाहन स्वीकारतील का असा प्रश्न उपस्थित झाला आहे. अशा प्रकारामुळे भारतीय सायबर विश्वात सुरक्षेप्रती असलेली अनास्था समोर येत आहे असं तज्ज्ञांना वाटत आहे. त्यामुळे यापुढे युआयडीएआय आधार सुरक्षेबाबत काय उपाय योजना करणार ते पाहावं लागणार आहे.

Hi @narendramodi,

Can you publish your #Aadhaar number (if you have one)?

Regards,

— Elliot Alderson (@fs0c131y) July 28, 2018