भाजपमुक्त मुक्ताईनगर | नाथाभाऊंच्या दणक्यामुळे फडणवीसांवर पक्ष बांधणीची वेळ

जळगाव, ०१ जून | राज्याचे विरोधी पक्षनेते देवेंद्र फडणवीस आज जळगाव मुक्ताईनगराच्या दौऱ्यावर आहेत. फडणवीसांनी येथे पाहणी दौरा असल्याचं सांगण्यात आलं असलं तरी मुख्य कारण हे एकनाथ खडसे यांनी भाजपमुक्त केलेल्या मुक्ताईनगरची चिंता भाजपाला सतावत असल्याचं म्हटलं जातंय.

ज्येष्ठ नेते आणि माजी मंत्री एकनाथ खडसे यांनी भाजप सोडून राष्ट्रवादी काँग्रेस पक्षात प्रवेश केल्यानंतर, देवेंद्र फडणवीस हे प्रथमच खडसेंच्या मतदारसंघात आहेत. विशेष म्हणजे फडणवीस हे आज एकनाथ खडसे यांच्या घरी जाऊन भाजप खासदार रक्षा खडसे यांची भेट घेणार आहेत. दरम्यान, देवेंद्र फडणवीस आज मुक्ताईनगरमधील ग्रामीण रुग्णलयाचीही पाहणी करणार आहेत. याशिवाय वादळ आणि पावसामुळे झालेल्या नुकसानीचीही ते पाहणी करतील.

जळगाव जिल्ह्यातील भाजपची पडझड बघता पक्षबांधणी संदर्भात ही रक्षा खडसेंसोबत चर्चा होण्याची शक्यता आहे. मागील आठवड्यात मुक्ताईनगर पंचायतीमधील भारतीय जनता पक्षाच्या आजी माजी दहा नगरसेवकांनी सोडचिठ्ठी देत शिवसेनेत प्रवेश केला होता. त्याबाबत फडणवीस रक्षा खडसे यांच्याशी चर्चा करु शकतात असं म्हटलं जातंय.

News English Summary: State Opposition Leader Devendra Fadnavis is on a tour of Jalgaon Muktainagar today. Though Fadnavis is said to be on an inspection tour here, it is said that the main reason is that the BJP is worried about Muktainagar liberated by Eknath Khadse.

News English Title: Opposition leader Devendra Fadnavis on Jalgaon Muktainagar for BJP local leaders meet news updates.