VIDEO | पुणे पालिकेने दिव्यांग दाम्पत्याच्या गाडीला जामर लावला | मनसेच्या वसंत मोरेंनी तोडून टाकला

पुणे, ०२ जून | महापालिकेनं एका गरीब अपंग दाम्पत्याच्या गाडीला गेल्या 6 दिवसांपासून जामर लावला होता. यासंदर्भात वसंत मोरे यांना माहिती मिळताच, मनसेच्या वसंत मोरेंनी मोठा हातोडा घेऊन या तीन चाकी गाडीला लावलेला जामर तोडला. म्हणाले मला फरक पडत नाही. आत्तापर्यंत 11 गुन्हे दाखल आहेत, हा बारावा गुन्हा होईल, असेही ते म्हणाले.

संबंधित दिव्यांग व्यक्ती टेम्पोच्या माध्यामातून आंबे आणि कलिंगड विकण्याचा व्यवसाय करत होता. मात्र अनधिकृत पद्धतीने गाडी लावत व्यवसाय करत असल्याचा ठपका ठेवत पुणे महापालिकेच्या अतिक्रमण विभागाने छोटा हाथी टेम्पोला जॅमर बसवले. दिव्यांगाकडून याविषयची माहिती पुण्यातील महाराष्ट्र नवनिर्माण सेनेचे नगरसेवक वसंत मोरे यांना समजली. त्यानंतर त्यांनी घटनास्थळी धाव घेत टेम्पोला लावलेल्या जॅमरवर हातोडा मारला.