ममता बॅनर्जी माष्टरस्ट्रोक मारण्याच्या तयारीत | भाजपचे ८ आमदार आणि काही खासदार तृणमूलच्या गळाला

कोलकत्ता, ०२ जून | पश्चिम बंगाल विधानसभा निवडणुकीत भारतीय जनता पक्षाच्या पराभवानंतर मुख्यमंत्री ममता बॅनर्जी मोठा माष्टरस्ट्रोक देण्याच्या तयारीत असल्याचं वृत्त आहे. ममता बॅनर्जी आता २०२४ मधील लोकसभा निवडणुकीसाठी मोर्चे बांधणी करत असल्याचं देखील म्हटलं जातंय. परिणामी पश्चिम बंगालमध्ये भारतीय जनता पक्षात चिंतेचं वातावरण आहे.

तृणमूल काँग्रेसमधून आलेले अनेक नेते आता परत जाण्याचे मार्ग शोधू लागले आहेत. माजी आमदार सोनाली गुहा, दिपेदू विश्वास यांनी पुन्हा तृणमूलमध्ये जाण्याची इच्छा व्यक्त केली आहे. याशिवाय अन्य नेत्यांची नावेही चर्चेत आहेत. तृणमूल काँग्रेसचे नेत्यांच्या दाव्यानुसार भाजपातून जवळपास 8 जिंकलेले आमदार आणि काही खासदार तृणमूलमध्ये परत येऊ इच्छित आहेत. यामध्ये मुकुल रॉय यांचे नावही आहे.

तृणमूल काँग्रेसमधून आलेल्या लोकांच्या परत जाण्याच्या मुद्द्यावर भारतीय जनता पक्षाचे प्रदेशाध्यक्षश दिलीप घोष यांनी सांगितले की, लोकशाहीत हे सुरु असते. काही लोक येतात, हरल्यानंतर परत जातात. काहींना त्यांच्या सुरक्षेची देखील चिंता सतावत आहे, राज्यातील हिंसाचाराच्या राजकारणाला ते घाबरत आहेत. पक्ष वाढविण्यासाठी नवीन लोकांना पक्षात घ्यावे लागते. जिंकले असते तर ठीक होते, हरले म्हणून आता त्यांना पक्षांतराचा पश्चाताप होत आहे.

News English Summary: After the BJP’s defeat in the West Bengal Assembly elections, Chief Minister Mamata Banerjee is reportedly ready to give a big masterstroke. It is also said that Mamata Banerjee is now campaigning for the 2024 Lok Sabha elections. As a result, there is an atmosphere of concern in the Bharatiya Janata Party in West Bengal.

News English Title: West Bengal Trinamool congress is ready to give huge political masterstroke to BJP news updates.