कोरोना काळात आई-वडिल गमावलेल्या बालकांच्या नावे ५ लाखांची मुदत ठेव आणि ....

मुंबई, ०२ जून | राज्य सरकारने आज झालेल्या मंत्रिमंडळाच्या बैठकीत महत्वाचे निर्णय घेतले आहेत. कोरोनामुळे दोन्ही पालक गमावलेल्या मुलांन अर्थसहाय्य देण्याचा मोठा निर्णय राज्य सरकारने घेतला आहे.

देशात कोरोनाचा सर्वाधिक फटका महाराष्ट्राला बसला आहे. कोरोना आल्यापासून मागील दिड वर्षात अनेकांनी आपल्या जवळच्या व्यक्तीला गमावले आहे. दरम्यान, कोरोनामुळे आपले दोन्ही पालक गमावलेल्या बालकांना राज्य सरकारने अर्थसहाय्य देण्याचा महत्वाचा निर्णय घेतला आहे. सरकारने घेतलेल्या निर्णयानुसार, पालक गमावलेल्या बालकांना 5 लाख रुपयांची मदत राज्य सरकार करणार आहे. ज्या मुलांचे नातेवाईक त्यांचा सांभाळ करतील त्यांच्याकडे बालके ठेवली जातील. तर ज्यांचे नातेवाईक त्या बालकांना सांभाळणार नाहीत त्यांची जबाबदारी राज्य सरकार घेईल, अशी माहिती महिला व बालकल्याण विकास मंत्री यशोमती ठाकूर यांनी दिली.

कोरोना काळात आई-वडिल गमावलेल्या बालकांचे पालकत्व शासन घेणार,
दोन्ही पालक गमावलेल्या मुलांच्या नावे ५ लाखांची मुदत ठेव, एकल पालकांना बाल संगोपन योजनेतुन मदत.

व्हिडिओ पहण्यासाठी खालील लिंकवर क्लिक करा.https://t.co/LPEiGHYLAE pic.twitter.com/xKNGUBaYB8

— Adv. Yashomati Thakur (@AdvYashomatiINC) June 2, 2021