VIDEO | वडिलांसाठी बर्थडे केक आणायला गेला होता | तरुणाची रस्त्यात चाकूने भोसकून हत्या

नवी दिल्ली, ०३ जून | वडिलांच्या वाढदिवसानिमित्त केक आणण्यासाठी गेलेल्या तरुणाची चाकूने भोसकून हत्या करण्यात आली. राजधानी दिल्लीमध्ये मंगळवारी 19 वर्षीय तरुणाला चौघांनी ठार मारलं. या प्रकरणी दिल्ली पोलिसांनी चार आरोपींना अटक केली आहे. एकाच तरुणीवर असलेल्या प्रेमामुळे आरोपी आणि मयत तरुणामध्ये वाद होते, अशी माहिती पोलिसांनी दिली.

19 वर्षीय कुणालच्या वडिलांचा मंगळवारी वाढदिवस होता. वडिलांच्या वाढदिवसानिमित्त केक आणण्यासाठी कुणाल जवळच्या पेस्ट्री शॉपमध्ये निघाला होता. त्याच वेळी चौघा आरोपींनी त्याला घेराव घालून हल्ला केला. दक्षिण दिल्लीतील आंबेडकर नगर परिसरात ही धक्कादायक घटना घडली. संपूर्ण थरार सीसीटीव्हीमध्ये कैद झाला आहे.

VIDEO | वडिलांसाठी बर्थडे केक आणायला गेलेल्या तरुणाची चाकूने भोसकून हत्या pic.twitter.com/k7xD88iHB8

— महाराष्ट्रनामा न्यूज (@MahaNewsConnect) June 3, 2021