अदिती चांगलं काम करतेय | पै-पै विकास कामासाठी खर्च झाले पाहिजे, उपमुख्यमंत्र्यांचे जिल्हाधिकाऱ्यांना आदेश

श्रीवर्धन, ०४ जून | अदिती चांगलं काम करत आहे, ती कमी पडली की तिचा बाप माझ्या डोक्यावर येऊन बसतो, अशा शब्दात उपमुख्यमंत्री अजित पवार यांनी पर्यावरण राज्यमंत्री अदिती तटकरे यांचं कौतुक केलं. अदिती तटकरे यांचे काम चांगले आहे, त्या जर कमी पडल्या तर त्यांचे वडील म्हणजेच राष्ट्रवादीचे खासदार सुनील तटकरे हे कामं करुवून घेतात, असं अजित पवार म्हणाले. अजित पवार आज रायगड-श्रीवर्धन दौऱ्यावर आहेत.

अदिती माझी मुलगी, पै पै कामासाठी खर्च झाले पाहिजे, असा प्रेमल दम यावेळी अजित पवारांनी स्थानिक जिल्हाधिकाऱ्यांना दिला. ब्रिटिशांचं काम टिकतं आपलं का टिकत नाही, असा सवालही त्यांनी अधिकाऱ्यांना विचारला.

अदिती तू मला बोलवलंस, पण काम चांगलं झालं पाहिजे, नाहीतर कॉन्ट्रॅक्टरला ब्लॅकलिस्ट केल्याशिवाय राहणार नाही, हे आधीच सांगून ठेवतोय. मी स्पष्ट बोलतो, असं अजित पवार म्हणाले.