BMC निवडणूक | श्रेत्रीय अस्मितेसंदर्भातील मनसेसोबत मतं जुळत नसल्याने युती करण्याचा प्रश्नच नाही - फडणवीस

मुंबई, ०४ जून | लोकसत्ता’च्या ‘दृष्टी’ आणि ‘कोन’ या दूरसंवादमालेत आज देवेंद्र फडणवीस यांनी विविध मुद्यांवर भाष्य केलं. यावेळी महाराष्ट्रामधील आगामी काळामध्ये येणारी सर्वात मोठी निवडणूक म्हणजे मुंबई महानगरपालिकेची निवडणूक असून या निवडणुकीसाठी भारतीय जनात पार्टी राज ठाकरेंच्या महाराष्ट्र नवनिर्माण सेनेशी युती करणार का या प्रश्नावर राज्याचे विधानसभा विरोधी पक्षनेते देवेंद्र फडणवीस यांनी उत्तर दिलं आहे.

यावेळी देवेंद्र फडणवीस यांनी आपली भूमिका मांडताना विचार जुळल्यास युतीसंदर्भात निर्णय घेता येईल. परंतु दोन्ही पक्षांची श्रेत्रीय अस्मितेसंदर्भातील मतं जुळली नाही तर महाराष्ट्र नवनिर्माण सेनेसोबत युती करण्याचा प्रश्नच निर्माण होत नाही, असं महाराष्ट्र नवनिर्माण सेनेसोबतच्या युतीबद्दल देवेंद्र फडणवीसांनी म्हटलं आहे. सध्या तरी भारतीय जनता पक्ष आणि महाराष्ट्र नवनिर्माण सेना या दोन पक्षांचे विचार जुळत नसल्याचं फडणवीस यांनी स्पष्ट केलं आहे.

सध्या आमच्यासोबत युतीमध्ये असणाऱ्या लहान पक्षांना सोबत घेऊनच आम्ही मुंबई महानगरपालिकेची निवडणूक लढणार आहोत, असं फडणवीस यांनी मुलाखतीमध्ये सांगितलं. त्यावर लोकसत्ताचे संपादक गिरीश कुबेर यांनी नवीन एखादा कोणी येईल असं वाटतं का असा प्रश्न विचारला. यावर फडणवीस यांनी थेट उत्तर देताना तुमचा इशारा मनसेकडे असल्याचं मला कळतंय. तर मी स्पष्टपणे सांगतो की, महाराष्ट्र नवनिर्माण सेनेने हिंदुत्व थोड्या प्रमाणात स्वीकारलंय किंवा स्वीकारत आहेत, असं म्हटलं.

News English Summary: Today, Devendra Fadnavis commented on various issues in Loksatta’s televised series ‘Drishti’ and ‘Kon’. Devendra Fadnavis, Leader of the Opposition in the state assembly, has answered the question whether the Bharatiya Janata Party will form an alliance with Raj Thackeray’s Maharashtra Navnirman Sena for the upcoming Mumbai Municipal Corporation elections.

News English Title: Devendra Fadnavis talked on alliance with MNS party during BMC election 2022 news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.