मोदी है तो मुमकिन है | महागाईने लोकांचं जगणं महागलं | खाद्यतेलाची किंमत 11 वर्षात सर्वात जास्त

नवी दिल्ली, ०५ जून | भारत देशात महागाई मोठ्या प्रमाणावर वाढली आहे. यामुळे सर्वसामान्य माणसांना आर्थिक नुकसानीचा सामना करावा लागत आहे. लॉकडाऊनमध्ये हाताला काम नसल्याने कित्येक लोक बेरोजगार झाले आहे. देशात पेट्रोल डिझेलसह इतर ही वस्तूंच्या किंमती दिवसेंदिवस वाढतच आहे. याच पार्श्वभूमीवर गेल्या एक वर्षात खाद्यतेलाच्या किंमतींमध्ये प्रचंड वाढ झाली आहे. यामुळे खाद्यतेलाच्या तेलाच्या किंमती 11 वर्षांत सर्वाधिक असल्याचे बोलले जात आहे.

एका अहवालानुसार, मोहरीच्या तेलाच्या किंमतीत सुमारे 44 टक्क्याने वाढ झाली असून 28 मे रोजी किरकोळ बाजारात त्याची किंमत 171 रुपये प्रति लीटर नोंदविण्यात आली. तर गेल्या वर्षी 28 मे रोजी एका लिटर मोहरीच्या तेलाची किंमत 118 रुपये होती. त्याचबरोबर सूर्यफूल तेलाच्या किंमतीतही 50 टक्क्यांपेक्षा जास्त वाढ झाली आहे.

ग्राहक व्यवहार विभागाच्या वेबसाइटनुसार, गेल्या वर्षभरात या तेलांच्या किंमती 20 ते 56 टक्क्यांनी वाढ झाली असल्याचे म्हटले आहे. देशातील एक मोठी लोकसंख्या कोरोना महामारीमुळे लावलेल्या लॉकडाऊन आणि महागाईशी झुंज देत आहे. अशा परिस्थितीत खाद्यतेलाच्या किंमतींमध्ये झालेल्या वाढीमुळे सर्वसामान्यांचे बजेट खराब झाले आहे. भारत देशातील लोक आपल्या आहारात 6 प्रकारच्या खाद्यतेलाचा वापर करत असून यामध्ये मोहरीचे तेल, शेंगदाणा तेल, डालडा (वनस्पती तेल), रिफाइंड (सोया तेल), सूर्यफूल तेल (सनफ्लावर ऑयल) आणि पाम तेल यांचा समावेश आहे.

News English Summary: Inflation in India has risen sharply. This is causing financial loss to the common man. Many people have become unemployed due to lack of manual labor in the lockdown. The prices of petrol, diesel and other commodities in the country are increasing day by day. Against this backdrop, edible oil prices have risen sharply in the last one year. As a result, edible oil prices are said to be the highest in 11 years.

News English Title: Edible oil prices have risen sharply after last 11 years news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.