VIDEO | भाजप नगरसेवक गौरव चौधरींनी महिला अधिकाऱ्यावर केलेल्या हल्ल्याचा व्हिडिओ व्हायरल

नंदुरबार, ०६ जून | नंदुरबारमधील भारतीय जनता पक्षाचे नगरसेवक गौरव चौधरी यांनी तहसीलदार नियुक्त वाळू तपासणी पथकातील महिला तलाठींना मारहाण केल्याचा संतापजनक प्रकार समोर आला होता. या पथकातील महिला तलाठी निशा पावरा यांना नगरसेवक गौरव चौधरी यांनी शिवीगाळ करत मारहाण केली. या घटनेमुळे परिसरात एकच खळबळ उडाली आहे. याप्रकरणी पोलिसांनी अधिकाऱ्यांच्या तक्रारीनुसार गुन्हा दाखल केला आहे.

गौरव चौधरी यांच्या वाळू वाहतूक करणाऱ्या वाहनाकडे गुजरातमधून महाराष्ट्रात वाळू वाहतुकीची झिरो स्वामीत्व पावती नव्हती. त्यामुळे या तपासणी पथकाने २ तास वाळू वाहतूक करणारा ट्रक अडवला. यानंतर ट्रकच्या ड्रायव्हरने ट्रक पळवण्याचा प्रयत्न केला. यावेळी निशा पावरासह अन्य दोन महिला तलाठी कर्मचाऱ्यांनी तहसीलदार यांच्या वाहनातून पाठलाग करुन ट्रक अडवला होता.

यानंतर घटनास्थळी दाखल झालेल्या नगरसेवक गौरव चौधरी आणि पथकातील महिला तलाठींमध्ये वाद झाला होता. यावेळी नगरसेवक गौरव चौधरी यांनी महिला तलाठींसोबत शिवीगाळ करत त्यांना धक्काबुकी करुन मारहाण केली होती. यानंतर संतप्त तलाठींसह महसुलच्या सर्व अधिकाऱ्यांनी नंदुरबार शहर पोलीस ठाण्यात ठाण मांडून याप्रकरणी गुन्हा दाखल केला गेला. सदर घटनेचा व्हिडिओ आता समाज माध्यमांवर प्रचंड व्हायरल होतं आहे.

VIDEO | भाजप नगरसेवक गौरव चौधरींनी महिला अधिकाऱ्यावर केलेल्या हल्ल्याचा व्हिडिओ व्हायरल#Nandurbar #BJP pic.twitter.com/HAj8ITZdm8

— महाराष्ट्रनामा न्यूज (@MahaNewsConnect) June 6, 2021