VIDEO | रस्ता ओलांडताना भरधाव गाडीने नव्हे, तर भरधाव वेगाने जाणाऱ्या कुत्र्याने उडवलं

मुंबई, ०८ जून | आजपर्यंत अपघाताचे अनेक प्रकार तुम्ही पाहिले असतील. त्यात वाहन हे अपघाताच्या नेहमीच केंद्रस्थानी राहिलं आहे. मात्र एखाद्या प्राण्यांमुळे अपघात झालं तर काय म्हणाल. कारण काही प्राण्यांमुळे कधीकधी आपण अडचणीतही सापडू शकतो. सध्या अशाच प्रकारचा एक व्हिडीओ सोशल मीडियावर व्हायरल होत आहे. या व्हिडीओमध्ये कुत्र्यामुळे एक माणूस चांगलाच पडला आहे.

सदर व्हिडीओमध्ये एक माणूस आपली गाडी पार्क करुन रस्ता ओलांडण्यासाठी येताना दिसतोय. हा माणूस जो रस्ता ओलांडणार आहे, त्या रस्त्यावर अनेक गाड्या वेगात येत आणि जात आहेत. या सर्व गाड्यांचा आढावा घेत व्हिडीओतील माणूस रस्ता ओलांडण्यासाठी चालताना दिसतोय.

Technically, he was outside the crosswalk 🤣😂 pic.twitter.com/gGxozHd4v7

— 🐮 Holy Cow! 🐮 (@HolyCow_Inc) June 8, 2021

मात्र, याच वेळी अचानकपणे मागून एक कुत्रा त्याच्याकडे वेगात येत आहे. या कुत्र्याकडे व्हिडीओतील माणसाचे लक्ष नाही. परिणामी वेगात आलेल्या कुत्र्याने माणसाला थेट धडक दिली आहे. या जोराच्या धडकेमुळे व्हिडीओतील माणूस चांगलाच कोसळला आहे.