प. बंगाल भाजपमध्ये मोठी फूट | 74 पैकी 51 भाजप आमदारच राजभवनात

कोलकाता, १४ जून | प. बंगालमधील निवडणुकीनंतर भारतीय जनता पक्षामध्ये मोठी फूट पडल्याच्या बातम्या समोर येत आहेत. पश्चिम बंगाल विधानसभेतील विरोधीपक्ष नेते सुवेंदू अधिकारी यांनी सोमवारी राज्यपाल जगदीप धनखड यांची भेट घेतली. यावेळी त्याच्या सोबत 74 पैकी केवळ 51 भारतीय जनता पक्षाचे आमदारच राजभवनात जाऊ शकले. या संपूर्ण घटनेने पश्चिम बंगाल भारतीय जनता पक्षामध्ये बंडखोरीचे संकेत मिळत आहेत.

सुवेंदू अधिकारी, राज्यातील निवडणूक निकालानंतर झालेल्या हिंसाचारासंदर्भात राज्यपालांना भेटण्यासाठी गेले होते. त्यांच्यासोबत भारतीय जनता पक्षाच्या तिकिटावर निवडणूक जिंकलेले एकूण 51 आमदारही होते. परंतु, विधानसभेत भारतीय जनता पक्षाच्या एकूण आमदारांची संख्या 74 आहे. या आमदारांनी हिंसाचाराच्या घटनांसंदर्भात राज्यपालांना निवेदन दिले आहे.

इतर 23 आमदार का होते अनुपस्थित? सर्वात महत्वाची गोष्ट म्हणजे राज्यापालांच्या बेटीसाठी सुवेंदू अधिकारी यांच्यासोबत केवळ 51 आमदारच होते. उर्वरित 23 आमदार अधिकारी यांच्यासोबत गेले नाही. यावरून आता राजकीय चर्चांना उधान आले आहे. विशेष म्हणजे, टीएमसीमधून भाजपत आलेले अनेक नेते, पुन्हा टीएमसीत जात असतानाच असा प्रकार घडला आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे.

News Title: West Bengal 23 BJP MLA were absent while opposition leader Suvendu Adhikari’s visit to Raj Bhawan news updates.