VIDEO | माकडांचे उंच इमारतीवरील स्पायडर मॅन खेळ समाज माध्यमांवर व्हायरल

मुंबई, २२ जून | एका इमारतीच्या बाहेरील बाजूच्या भिंतीवर खेळणाऱ्या आणि घसरणाऱ्या दोन माकडांचा व्हिडिओ सध्या समाज माध्यमांवर व्हायरल झाला आहे. हर्ष गोयनका यांनी हा व्हिडिओ ट्विटरवर शेअर केला होता. व्हिडिओ सध्या चांगलाच व्हायरल झाला आहे. व्हिडिओला दिलेल्या कॅप्शनमध्ये लिहिलं गेलं होतं, की जीवनात आपण अगदी सरळ गोष्टी पाहतो आणि याच तुमचा दिवस चांगला बनवतात.

व्हिडिओमध्ये पाहायला मिळतं, की दोन माकडं आपल्या पायांच्या मदतीनं भिंत पकडत इमारतीवरुन खाली उतरण्याचा प्रयत्न करत आहेत. या व्हिडिओनं नेटकऱ्यांचं भरपूर मनोरंजन केलं आहे. गोयनका यांनी शेअर केलेला हा व्हिडिओ आतापर्यंत एक लाखाहून अधिकांनी पाहिला आहे. व्हिडिओला सहा हजाराहून अधिक लाईक आणि भरपूर रिट्विट मिळाले आहेत. दहा सेकंदाचा हा व्हिडिओ IFS अधिकारी सुशांत नंदा यांनीही आपल्या ट्विटर हॅण्डलवरुन शेअर केला आहे. या व्हिडिओला त्यांनी खास कॅप्शनही दिलं आहे. यात त्यांनी म्हटलंय, की आयुष्य किती साधं आणि सोपं असतं, आपणच त्याला जास्त कठीण बनवतो.

There are simple things in life you see and they light up your day….. pic.twitter.com/ceciyhKTox

— Harsh Goenka (@hvgoenka) June 19, 2021