गटारी जवळ आली | शिवसैनिकांकडून अल्प दरात चिकन ऑफर | महागाईतला निवडणूक फंडा

विरार, ०६ ऑगस्ट | राज्यातील अनेक महत्वाच्या महानगरपालिकांच्या निवडणुका काही महिन्यावर आल्या आहेत. त्यामुळे राजकारणी सुद्धा कामाला लागले असून सामान्य लोकांपर्यंत पोहोचण्यासाठी निरनिराळे फडे शोधून काढत आहेत. आपला थोडा आर्थिक फायदा होत असेल तर सामान्य लोकांना देखील त्यामागील राजकारणाशी देणं नसतं हा साधारणपणे कोणत्याही ग्राहकाचा नैसर्गिक स्वभाव जो व्यावसायिक आणि राजकारणी बरोबर ओळखतात. तसाच प्रकार सध्याच्या महागाईमुळे शिवसेनेनं अवलंबल्याचं पाहायला मिळतंय.

वसई विरार महापालिका निवडणुकीच्या निमित्ताने स्थानिक शिवसेना पदाधिकारी कामाला लागले आहेत. आगामी निवडणुकीच्या पार्श्वभूमीवर आणि गटारीच्या निमित्ताने विरारमधील शिवसैनिकांनी भन्नाट शक्कल लढवली आहे. खवय्यांना चक्क अल्प दरात चिकन देण्याचे आमिष दाखवण्यात आले आहे. मांसाहाराच्या वाढत्या मागणीच्या पार्श्वभूमीवर चिकन प्रति किलो 180 रुपयांना मिळणार आहे.

विरार पूर्व भागातील साईनाथ नगर येथील शिवसैनिकांनी अल्प दरात एक किलो चिकन विक्रीची घोषणा केली आहे. सध्या चिकनचे दर प्रति किलो 230 ते 240 रुपयांवर पोहोचले आहेत. श्रावण अवघ्या काही दिवसांवर आल्यामुळे अनेकांना गटारीचे वेध लागले आहेत. त्यामुळे मांसाहाराच्या वाढत्या मागणीच्या पार्श्वभूमीवर शिवसैनिकांनी हेच चिकन प्रति किलो 180 रुपयांना देणार, असे फलक लावून जाहिरात केली आहे. प्रत्येकाला एकच किलो चिकन मिळेल.

रविवारी गटारी अमावस्या आहे. तळीरामांसोबतच मांसाहारी खवय्यांचे डोळेही या दिवसाकडे लागलेले असतात. तीच संधी साधून शिवसैनिकांनी ही शक्कल लढवली असल्याचे समोर आले आहे. रविवारी 8 ऑगस्टला विरार पूर्व साईनाथ नगर नाका येथे सकाळी 9 ते 11 या वेळेत हे चिकन विक्रीसाठी उपलब्ध करण्यात येणार आहे आणि त्यासाठी आगाऊ नोंदणी करावी लागणार आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: Virar Shivsena offer chicken in low rate on occasion of Gatari Amavasya news updates.