VIDEO | Afghanistan women crying | आम्हाला तालिबानींपासून वाचवा, अफगाणी महिलांचा आक्रोश

काबुल, १९ ऑगस्ट | तालिबानची सत्ता आल्यापासून जनतेत प्रचंड दहशत आहे. लाखो लोकांना देश सोडायचा आहे. तालिबाननं अफगाणी नागरिकांना सुरक्षेचं वचन दिलं आहे. मात्र नागरिकांचा त्यांच्या शब्दावर विश्वास नाही. कोणत्याही मार्गानं देशाबाहेर पडण्याचा प्रयत्न नागरिकांकडून सुरू आहे. काबुलच्या विमानतळावरील गर्दी कायम आहे. दिवसागणिक गर्दी वाढत आहे. याच गर्दीचा एक व्हिडीओ सोशल मीडियावर व्हायरल (Afghanistan women crying at Kabul airport) झाला आहे.

अफगाणी महिलांचा अमेरिकन लष्करासमोर आक्रोश (Afghanistan women crying at Kabul airport to save from Taliban) :

काबुल विमानतळावर प्रवेश करू देण्याची विनंती करणाऱ्या अफगाणी महिलांचा एक व्हिडीओ चर्चेचा विषय ठरत आहे. विमानतळावर प्रवेश करू देण्यासाठी महिला अमेरिकन सैन्याकडे गयावया करत आहेत. मात्र त्यांना यश येत नाही. काबुलच्या हमीद करझाई आंतरराष्ट्रीय विमानतळावर अमेरिका आणि नाटोच्या सैन्यानं बॅरिकेडिंग केलं आहे. अफगाणिस्तानात अडकलेल्या परदेशी नागरिकांना बाहेर काढण्यास त्यांच्याकडून प्राधान्य दिलं जात आहे. त्याच दरम्यान काही अफगाणी महिला विमानतळावर पोहोचल्या आणि सैनिकांकडे रडून विनवण्या करू लागल्या.

At #kabulairport gates where the US forces controlling, people crying and begging US forces to allow them to pass the gates otherwise the Taliban will come and will behead them. pic.twitter.com/wzxXJf2ngL

— Natiq Malikzada (@natiqmalikzada) August 18, 2021

News Title: Afghanistan women crying at Kabul airport to save from Taliban viral video news updates.