गणेशोत्सवाच्या पार्श्वभूमीवर होमगार्ड महत्वाचे | तरी होमगार्ड डीजी परमबीर सिंग गायब?

मुंबई, २३ ऑगस्ट | माजी गृहमंत्री अनिल देशमुख यांच्यावर शंभर कोटींच्या वसुलीसंदर्भात आरोप लावून देशाच्या राजकारणात खळबळ उडवून देणारे मुंबईचे माजी पोलीस आयुक्त परमबीर सिंग हे सध्या मोठ्या सुटीवर गेले असून अजुनही ते कामावर हजर न झाल्याने आता वेगवेगळे तर्क लावले जात आहेत. या प्रकरणी ईडीकडून देशमुखांविरोधात फास आवळला जात असतानाच परमबीर सिंग यांची गैरहजेरी चर्चेचा विषय ठरत आहे हे येथे उल्लेखनीय.

गृहरक्षक दलाचे संचालक म्हणून परमबीर सिंग काही दिवस कामावर हजर झाले आणि ५ मे रोजी सुटीवर गेले (Home Guard DG Parambir Singh missing since fifth May 2021) :

परमबीर सिंग यांनी मार्च महिन्यात लेटर बॉम्ब टाकला होता. त्यानंतर ते गृहरक्षक दलाचे संचालक म्हणून काही दिवस कामावर हजर झाले आणि ५ मे रोजी सुटीवर गेले. तेव्हापासून ते आजपर्यंत सिंग कामावर हजर झालेले नाही. गृहविभागाकडून दोन वेळा पत्र पाठवून त्यांना विचारणा करण्यात आली. मात्र त्यांच्याकडून कोणतेही उत्तर देण्यात आलेले नाही. परमबीर सिंग यांच्याविरोधात गुन्हे दाखल झाल्यानंतर त्यांच्याशी संपर्क होत नसल्याने लूकआऊट नोटीसही जारी करण्यात आली आहे. दरम्यान, परमबीर सिंग सध्या चंदीगड येथे असल्याचे बोलले जात आहे. मात्र सूत्रांच्या माहितीनुसार त्यांच्या चंदीगडमधील घरालाही कुलूप असल्याचे समजते आहे. त्यामुळे परमबीर सिंग गेले कुठे या चर्चांना उधाण आले आहे.

परमबीर सिंग चंदीगडमध्ये असल्याचे वकिलांनी न्यायालयात सांगितले: (Home Guard DG Parambir Singh missing since fifth May 2021)

परमबीर सिंग यांच्या अनिल देशमुखांवरील आरोपांसंदर्भातले प्रकरण न्यायप्रविष्ट असताना परमबीर सिंग कुठे आहेत असे विचारले असता ते चंदीगडमध्ये असल्याचे त्यांच्या वकिलांनी न्यायालयात सांगितले. दरम्यान, परमबीर सिंग हे आजारी असल्याचे सांगत त्यांच्या औषधोपचारांची कागदपत्रेही पाठविण्यात आली होती. दरम्यान, मोहर्रम आणि गणेशोत्सवाच्या पार्श्वभूमीवर होमगार्ड यांची नियुक्ती महत्वाची असते. मात्र परमबीर सिंग सुटीवर असल्याने सध्या या विभागाचा प्रभार के व्यंकटेशम यांच्यावर सोपविण्यात आलाय.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: Home Guard DG Parambir Singh missing since fifth May news updates.