प्रियंका गांधी विधानसभा निवडणूक लढवणार नाहीत | त्याऐवजी काँग्रेससाठी अधिक प्रचार व रोड-शोवर भर देणार

लखनऊ, १६ सप्टेंबर | पुढील वर्षी उत्तर प्रदेशमध्ये विधानसभा निवडणुका होणार आहेत. त्यामुळे आता विविध अंदाज लावणे सुरू झाले आहे. दरम्यान, काँग्रेसच्या सरचिटणीस आणि उत्तर प्रदेशच्या प्रभारी प्रियंका गांधी वाड्रा अमेठी किंवा उत्तर प्रदेशच्या रायबरेली मतदारसंघातून निवडणूक लढवतील अशीही चर्चा होती, परंतु काँग्रेसच्या उच्च सूत्रांनुसार ही बातमी ‘चुकीची’ आहे असं प्रसार माध्यमांना सांगण्यात आलं आहे. मिळालेल्या माहितीनुसार, ‘प्रियंका गांधी कुठूनही निवडणूक लढवणार नाहीत. गांधी कुटुंबातील कोणताही सदस्य विधानसभा निवडणुकीत उमेदवार म्हणून सहभागी होणार नाही.

प्रियंका गांधी विधानसभा निवडणूक लढवणार नाहीत, त्याऐवजी काँग्रेससाठी अधिक प्रचार व रोड-शोवर भर देणार – Priyanka Gandhi Varda will not contest in Uttar Pradesh Assembly Election 2022 says congress sources :

त्याचाच अर्थ गांधी कुटुंबाची विधानसभेत निवडणूक न लढवण्याची परंपरा अबाधित राहील. मग या बातमीला बळ कुठून मिळाले? तर, दोन दिवसांपूर्वी प्रियंका आपली आई आणि पक्षप्रमुख सोनिया गांधींचा लोकसभा मतदारसंघ रायबरेलीमध्ये होत्या. दौऱ्यात त्यांच्याच कार्यकर्त्यांनी त्यांना अनेक जागेवरून निवडणूक लढवण्याची मागणी केली. यावर थेट उत्तर देण्याऐवजी प्रियंका गांधी म्हणाल्या, ‘आत्ता मी तुम्हाला कोणतेही वचन देऊ शकत नाही, पण मी पक्षात त्यावर नक्की चर्चा करेन. हे निर्देशानुसार केले जाईल.

तर प्रियंका गांधींनी पक्षात चर्चेसाठी प्रकरण पुढे नेले का? यूपीतील काँग्रेस वरिष्ठांच्या माहितीनुसार, नेता जेव्हा मैदानात असतो तेव्हा तो आपल्या कार्यकर्त्यांसोबत चर्चा करत असतो, यावेळी तो त्यांना होकार देत असतो. जर नेत्याने स्वतःच्या कार्यकर्त्यांची मागणी स्पष्टपणे नाकारली तर त्यांचा उत्साह कमी होईल. दुसरीकडे, कार्यकर्ते देखील त्यांच्या शीर्ष नेतृत्वाकडून अशा मागण्या करत राहतात.

कार्यकर्त्यांनाही माहित आहे की हे शक्य नाही. कार्यकर्ते आणि प्रियंका गांधी यांच्यातील संवाद ही केवळ औपचारिकता होता. राज्यस्तरीय काँग्रेसच्या सूत्रांनी अतिशय हलक्या फुलक्या पद्धतीने सांगितले, ‘अशा बातम्या माध्यमांमध्येही मुद्दाम पसरवल्या जातात, जेणेकरून कार्यकर्त्यांचा उत्साह कायम राहावा आणि पक्ष माध्यमांमध्ये टिकून राहावा. त्यांनी स्पष्टपणे म्हटले की, प्रियंका किंवा त्यांच्या कुटुंबातील कोणताही सदस्य विधानसभा निवडणूक लढवणार नाही. उलट त्यांनी अधिका अधिक सभा आणि रोड-शो घेण्यावर भर द्यावा.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल.

News Title: Priyanka Gandhi Varda will not contest in Uttar Pradesh Assembly Election 2022 says congress sources.