कर्जत-जामखेड, १८ सप्टेंबर | कर्जत-जामखेड मतदारसंघात भाजपचे माजी मंत्री राम शिंदे यांचा पराभव करून रोहित पवार आमदार झाले आणि स्थानिक पातळीवर राम शिंदे यांच्या एकूण राजकारणाला उतरती कळा लागली आहे. त्यात राम शिंदे यांना अजून एक राजकीय धक्का बसण्याची शक्यता आहे. कारण कर्जत नगर परिषदेचे प्रथम नगराध्यक्ष आणि नगरसेवक नामदेव राऊत यांनी प्राथमिक आणि सक्रीय सदस्य पदाचा राजीनामा दिला आहे.

कर्जत-जामखेड, राम शिंदे समर्थक नामदेव राऊत लवकरच राष्ट्रवादी काँग्रेसमध्ये प्रवेश करणार – Karjat Jamkhed constituency Ram Shinde’s supporter Namdev Raut will join NCP in presence of MLA Rohit Pawar :

दरम्यान, नामदेव राऊत हे लवकरच आमदार रोहित पवार यांच्या नेतृत्वात राष्ट्रवादी काँग्रेसमध्ये प्रवेश करणार असल्याचेही वृत्त आहे. यापूर्वी भारतीय जनता पक्षाचे संघटन सरचिटणीस प्रसाद बापूसाहेब ढोकरीकर यांनीही पदाचा राजीनामा दिला होता. त्यानंतर शिंदे यांना हा दुसरा मोठा झटका मानला जातोय. नामदेव राऊत यांनी भाजपात विविध पदावर (Ram Shinde’s supporter Namdev Raut) काम करत शेवगाव पालिकेसाठी पक्ष निरिक्षक म्हणुन काम केलेले आहे. यामुळे आगामी नगरपालिका निवडणुकीत भाजपाला चांगलाच धक्का बसण्याची शक्यता वर्तविली जात आहे.

नामदेव राऊत हे माजी मंत्री राम शिंदे आणि खासदार सुजय विखे-पाटील यांचे खंदे समर्थक मानले जात होते. मात्र, राऊत हे आता राष्ट्रवादी काँग्रेसच्या वाटेवर आहेत. त्यामुळे नगर परिषद निवडणुकीच्या तोंडावर रोहित पवारांच्या या खेळीमुळं राम शिंदे यांनी सुजय विखे-पाटील यांना हा मोठा धक्का असणार आहे. राऊत यांच्या मागे कर्जत शहरातील मोठी ताकद असल्याचं मानलं जातं. त्यामुळे नगर परिषद निवडणुकीत शिंदे यांना मोठा फटका बसण्याची शक्यता आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल.

News Title: Karjat Jamkhed constituency Ram Shinde’s supporter Namdev Raut will join NCP in presence of MLA Rohit Pawar.