Ration Card Online Services | आता रेशन कार्डशी संबंधित तुम्हाला ‘या’ महत्वाच्या सेवा ऑनलाईन मिळतील - नक्की वाचा

मुंबई, १९ सप्टेंबर | गरीब आणि कमी उत्पन्न गटातील लोकांसाठी रेशन कार्ड हे सर्वात महत्त्वाचे दस्तऐवज आहे. बऱ्याच वेळा असे देखील घडते की रेशन कार्ड अपडेट करताना किंवा त्याची डुप्लिकेट कॉपी मिळवण्यासाठी किंवा नवीन रेशन कार्डसाठी अर्ज कसा करावा यासंदर्भात आपल्याला अनेक समस्यांना सामोरे जावे लागते. अशा परिस्थितीत आज सरकार आपल्या डिजिटल इंडिया मोहिमेअंतर्गत या समस्येवर उपाय प्रदान करत आहे आता तुम्ही तुमच्या जवळच्या CSC अर्थात कॉमन सर्व्हिस सेंटरद्वारे रेशन कार्डशी संबंधित अनेक सेवांचा अॅक्सेस करू शकता. डिजिटल इंडियाने एका ट्विटमध्ये यासंदर्भातील सविस्तर माहिती दिली आहे.

Ration Card Online Services, आता रेशन कार्डशी संबंधित तुम्हाला ‘या’ महत्वाच्या सेवा ऑनलाईन मिळतील – Ration card related online services in Marathi :

डिजिटल इंडियाने दिलेली माहिती:
डिजिटल इंडियाने आपल्या अधिकृत ट्विटर खात्यावर ही माहिती दिली आहे की, ‘कॉमन सर्व्हिस सेंटर सुविधा यांनी इलेक्ट्रॉनिक्स आणि माहिती तंत्रज्ञान मंत्रालयाच्या अंतर्गत अन्न आणि सार्वजनिक वितरण विभागासोबत सामंजस्य करार केला आहे. यासह, देशभरात 3.70 लाख CSC द्वारे रेशन कार्ड सेवा उपलब्ध करून दिली जाईल. या भागीदारीमुळे देशभरातील 23.64 कोटीपेक्षा जास्त रेशन कार्ड धारकांना फायदा होण्याची अपेक्षा आहे.

याअंतर्गत, आता देशभरातील 23.64 कोटीहून अधिक शिधापत्रिकाधारक कॉमन सर्व्हिस सेंटरद्वारे रेशन कार्डच्या अनेक सेवांचा लाभ घेऊ शकतात. त्याची संपूर्ण प्रक्रिया जाणून घेऊया.

तुम्हाला या महत्वाच्या सेवा मिळतील: (Ration card related online services)
1. रेशन कार्डचे तपशील कॉमन सर्व्हिस सेंटरद्वारे अपडेट केले जाऊ शकतात.
2. आधार सीडिंग देखील येथून करता येते.
3. आपण आपल्या रेशन कार्डची डुप्लिकेट प्रिंट देखील मिळवू शकता.
4. आपण रेशनच्या उपलब्धतेबद्दल देखील शोधू शकता.
5. आपण कॉमन सर्व्हिस सेंटरद्वारे रेशन कार्डशी संबंधित तक्रारी देखील करू शकता.
6. शिधापत्रिका हरवल्यास नवीन रेशन कार्डसाठी अर्जही करता येतो.

हे लोक रेशन कार्डसाठी अर्ज करू शकतात:
भारतीय नागरिकत्व असलेल्या देशातील प्रत्येक नागरिक रेशन कार्डसाठी अर्ज करू शकतो. 18 वर्षांखालील मुलांचे नाव पालकांच्या रेशन कार्डमध्ये जोडले जाते. दुसरीकडे जर तुमचे वय 18 वर्षांपेक्षा जास्त असेल तर तुम्ही स्वतंत्र रेशन कार्डसाठी अर्ज करू शकता.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल.

News Title: Ration card related online services in Marathi.