महंतांनां कधी लिहितानाही पाहिले नाही, मग 7 पानांची सुसाइड नोट कुठून आली? | संशय वाढला

प्रयागराज, २१ सप्टेंबर | अखिल भारतीय आखाडा परिषदेचे अध्यक्ष आणि बाघंबरी मठाचे महंत नरेंद्र गिरी यांच्या संशयास्पद मृत्यूनंतर मठात राहणाऱ्या सेवादार आणि शिष्यांवरही प्रश्न उपस्थित केले जात आहेत. मठात उपस्थित असलेले शिष्य बबलू सांगतात की, रविवारीच महंत नरेंद्र गिरी यांनी गव्हामध्ये ठेवण्यासाठी सल्फास गोळ्या मागवल्या होत्या. मात्र, खोलीत सापडलेली सल्फास बॉटल उघडलेली नव्हती. त्याच वेळी, एका शिष्याने सांगितले की कपडे लटकवण्यात अडचण येतेय असे सांगत महंतांनी दोन दिवसांपूर्वी नवीन नायलॉन दोरी मागवली होती. शिष्याने एक नायलॉन दोरी आणली होती. महंत यांनी या दोरीनेच गळफास घेतला.

महंतांनां कधी लिहितानाही पाहिले नाही, मग 7 पानांची सुसाइड नोट कुठून आली?, संशय वाढला – Mahant Narendra Giri suicide note mysterious death of president Akhil Bharatiya Akhara Parishad :

प्रत्यक्षदर्शी शिष्य म्हणाला – दोर कापून मृतदेह फासावरुन काढला:
प्रत्यक्षदर्शी सर्वेशने सांगितले, ‘मी आणि दुसरा शिष्य सुमीतने महंत जींना फासावरुन काढले होते. दररोज महंत नरेंद्र गिरी संध्याकाळी 5 च्या सुमारास चहा घेण्यासाठी खोलीतून बाहेर पडायचे. संध्याकाळी 5.15 पर्यंत दरवाजा उघडला नाही तेव्हा दरवाजा ठोठावला. फोन केला. फोन उचलला नाही. दरवाजा ढकलून तो आत शिरला तेव्हा त्याने पाहिले की त्यांचा मृतदेह फाशीवर लटकलेला आहे. दोरी कापून मृतदेह फासावरुन खाली काढण्यात आला. पोलिसांना माहिती देण्यात आली.

अदल्यादिवसापर्यंत आनंदात होते:
महंत नरेंद्र गिरी यांनी त्यांच्या मृत्यूच्या एक दिवस आधी उत्तर प्रदेशचे उपमुख्यमंत्री केशव प्रसाद मौर्य याची प्रसन्नतेने भेट घेतली होती. आठवडाभरापूर्वी राज्याचे पोलिस प्रमुख मुकुल गोयलही महंतांना भेटण्यासाठी पोहोचले होते. या काळातही ते आनंदी होते. आदल्या दिवशीसुद्धा वेगवेगळ्या लोकांना भेटताना त्यांच्या चेहऱ्यावर तणाव नव्हता. पंख्याला लटकलेल्या अवस्थेत सापडल्यानंतर त्यांची 7 पानांची सुसाईड नोट समोर येत आहे. यावर प्रश्न असा आहे की महंत फारसे वाचत आणि लिहीत नव्हते. या सर्व गोष्टी महंत यांच्या आत्महत्येच्या सिद्धांतावर प्रश्न उपस्थित करत आहेत.

सुसाईड नोटची भाषा म्हणजे जणू सर्वकाही पूर्वनियोजित:
पोलिस सूत्रांनी दिलेल्या माहितीनुसार, घटनास्थळावरून सापडलेल्या 7 पानांची सुसाईड नोट बघून असे वाटते की हे सर्व पूर्वनियोजित आहे आणि अनेक दिवसांपासून मंथन चालू आहे. ही नोट महंत नरेंद्र गिरी यांनी स्वतः लिहिली असेल तर त्या वेळी त्यांची मनोदशा काय होती? महंतजी फारसे लिहित नव्हते असा अनेक शिष्यांचा दावा आहे. त्याचवेळी, प्रयागराज अखिल भारतीय संत समिती आणि गंगा महासभेचे महासचिव जितेंद्रानंद सरस्वती यांनी असा दावा केला आहे की ते इतकी मोठी सुसाईड नोट लिहू शकत नाही. महंत जींना फक्त स्वाक्षर आणि कामापुरते लिहिणे माहिती होते.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल.

News Title: Mahant Narendra Giri suicide note mysterious death of president Akhil Bharatiya Akhara Parishad.