फरार आरोपींचे भाजपवर एकामागे एक आरोप, अर्थमंत्री अरुण जेटलींना खोटं बोलण्याची सवय: ललित मोदी

नवी दिल्ली : काही दिवसांपूर्वी भारतीय बँकांचे ९००० कोटींचं कर्ज बुडवून भारताबाहेर पलायन केलेल्या आणि सध्या लंडनमध्ये वास्तव्यास असलेल्या विजय मल्ल्याने भारत सोडण्यापूर्वी अर्थमंत्री अरुण जेटली यांची भेट घेऊन सेटलमेंट करण्याचा प्रस्ताव ठेवला होता, अशी धक्कादायक माहिती प्रसार माध्यमांना दिली होती. परंतु, त्यानंतर आता अजून एक भारताबाहेर पलायन केलेला आरोपी ललित मोदीने अर्थमंत्री अरुण जेटलींची तुलना सापाशी करत, त्यांना खोटं बोलण्याची सवय असल्याचा दावा करत विजय मल्ल्याची भेट झाल्याचं खरं असल्याचं म्हटलं आहे.

आयपीएलचे माजी कमिशनर ललित मोदी यांच्यावर आयपीएल लिलावात लाच घेण्याचा, मनी लॉन्ड्रिंगचा आरोप आहे. सन २०१० पासून ते भारतातून फरार झाले असून लंडन’मध्ये वास्तव्यास असल्याचं म्हटलं जात. ललित मोदीने ट्विट करून म्हटलं आहे की, ‘तिथे असलेल्या लोकांना माहित आहे की, अरुण जेटलींनी विजय मल्ल्याची भेट घेतली होती. तरी ते वृत्त जेटली का फेटाळत आहेत? अरुण जेटलींना खोटं बोलण्याची सवय आहे. तुम्ही एका सापाकडून (सर्पाचं चिन्ह) आणखी कोणती अपेक्षा ठेऊ शकता’? असं म्हटलं आहे. विशेष म्हणजे त्या ट्विट मध्ये अरुण जेटली आणि विजय मल्ल्या या दोघांना टॅग करण्यात आलं आहे.

त्यामुळे घोटाळे करून फरार झालेले सर्व आरोपी एकामागोमाग भाजपचे बिंग फोडू लागल्याने एकूणच आगामी निवडणुकीच्या तोंडावर भाजप तसेच मोदी सरकारच्या अडचणीत वाढण्याची शक्यता आहे.

The denial by @arunjaitley whether he met @TheVijayMallya just before he left is completely #true. Let him just accept he did. Why such a #denial when a lot of people know he met and who else was present. @arunjaitley it’s become a #habit to #lie. What else can u #expect from a???? pic.twitter.com/bq5BDImaqF

— Lalit Kumar Modi (@LalitKModi) September 13, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.