Bhabanipur Bypoll Result | ममता बॅनर्जींचा भवानीपूर पोटनिवडणुकीत दणदणीत विजयी

कोलकाता, ०३ ऑक्टोबर | विधानसभा निवडणुकीत नंदीग्राम मतदारसंघातून पराभूत व्हाव्या लागलेल्या ममतांना भवानीपूरने पुन्हा एकदा दणदणीत (Bhabanipur Bypoll Result) विजयी केलं. पारंपरिक मतदारसंघ असलेल्या ममतांनी 58 हजार मतांनी भाजप उमेदवाराचा पराभव करत भवानीपूरचा गढ आपलाच असल्याचं पुन्हा एकदा सिद्ध केला. या विजयाबरोबरच पश्चिम बंगालच्या मुख्यमंत्रीपदी ममताचं राहणार असल्याचं निश्चित झालं आहे.

Bhabanipur Bypoll Result. Mamata Banerjee won a record victory today from her regular seat in South Kolkata, Bhabanipur. The CM who needed to win an assembly seat within six months to continue heading the government won by a huge margin of 58,832 votes over her nearest rival Priyanka Tibrewal :

विधानसभा निवडणुकीत पराभवाला सामोरं जावं लागलेल्या ममता बॅनर्जी पुन्हा एकदा विधानसभेत पोहोचल्या. अत्यंत प्रतिष्ठेच्या ठरलेला भवानीपूर पोटनिवडणुकीत ममता बॅनर्जी यांनी आपलं वर्चस्व सिद्ध केलं. भाजपा उमेदवाराचा तब्बल ५८ हजार मतांनी पराभव करत ममतांनी विधानसभेत प्रवेश मिळवला.

भवानीपूर विधानसभा मतदारसंघ हा ममता बॅनर्जींचा पारंपरिक मतदारसंघ आहे. मात्र, यावेळी झालेल्या विधानसभा निवडुकीत त्यांनी दुसऱ्या मतदारसंघातून निवडणूक लढवली होती. तिथे त्यांना पराभव स्वीकारावा लागला. मुख्यमंत्री झाल्यानं ममतांना विधानसभेचं सदस्यत्व मिळवणं गरजेचं होतं.

काही महिन्यांपूर्वी पश्चिम बंगालमध्ये झालेल्या विधानसभा निवडणुकीत ममता बॅनर्जी यांनी आपल्या पारंपरिक मतदारसंघाऐवजी नंदीग्राम मतदारसंघातून निवडणूक लढवली होती. या निवडणुकीत ममतांना पराभवाला सामोरं जावं लागलं. पराभूत झाल्यानंतर ममतांनी मुख्यमंत्रीपदाची शपथ घेतली. त्यामुळे सहा महिन्यांच्या आत विधानसभेचं सदस्यत्व मिळवणं आवश्यक होतं.

विधानसभा निवडणुकीची झलक भवानीपूर पोटनिवडणुकीत बघायला मिळाली. तृणमूलबरोबर भाजपने ही निवडणूक अत्यंत प्रतिष्ठेची केली. त्यामुळे प्रचारात रंगत आली होती. भाजपने ममता बॅनर्जी यांच्या विरोधात प्रियंका टिबरेवाल यांना मैदानात उतरवलं होतं. प्रचारादरम्यान भाजपकडून विजयाचा दावा केला जात होता. मात्र, ममतांनी मैदान मारलं.

भवानीपूरमध्ये आपलाच दबदबा असल्याचं ममता बॅनर्जी यांनी पुन्हा एकदा निकालातून सिद्ध केलं. ममतांनी भाजपा उमेदवार प्रियंका टिबरेवाल यांचा तब्बल ५८ हजार मतांनी पराभव केला. या विजयाबरोबर ममतांसाठी विधानसभेचं दार खुलं झालं असून, मुख्यमंत्रीपदी त्याच राहणार असल्यावरही शिक्कामोर्तब झालं.

मतमोजणीला सुरुवात झाल्यानंतर पहिल्या फेरीपासूनच ममतांनी आघाडी घेतली. तिसऱ्या फेरीनंतर ममतांनी मोठी आघाडी घेतली. त्यानंतर ममतांची लीड वाढतच केली. दहाव्या फेरीअखेर ममता बॅनर्जी ३१ हजार मतांनी आघाडीवर होत्या. २१व्या फेरीनंतर 58 हजार 389 मतांची आघाडी घेत ममतांनी विजय मिळवला. ममता बॅनर्जी यांना 84 हजार 709 मतं मिळाली, तर भाजपच्या उमेदवार प्रियंका टिबरेवाल यांना 26 हजार 320 मतं मिळाली. सीपीएमच्या उमेदवाराला 4,201 मतं मिळाली.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. आरोग्य विषयक लेखात दिलेला सल्ला ही केवळ सामान्य माहिती आहे. हे तज्ञांचे मत नाही.

News Title: Bhabanipur Bypoll Result CM Mamata Banerjee won with record break votes.