EPF Money Withdrawal | EPF नियमात बदल | घरबसल्या तासाभरात १ लाख रुपये काढू शकता - पहा प्रोसेस

मुंबई, 08 ऑक्टोबर | सामान्य लोकांच्या पैशांची गरज लक्षात घेऊन केंद्र सरकारने भविष्य निधीबाबत नवीन सेवा सुरू केली आहे. या अंतर्गत आता तुम्ही तुमच्या कर्मचारी भविष्य निर्वाह निधीतून 1 लाख रुपये अँडव्हॉन्स काढू (EPF Money Withdrawal) शकता. कोणत्याही वैद्यकीय आपत्कालीन काळात तुम्ही हे पैसे काढू शकता. तसेच या अँडव्हॉन्स पैशांसाठी अर्ज केल्यानंतर, बँक खात्यात पैसे हस्तांतरण करण्याची वेळ (डीबीटी) देखील कमी केली गेली आहे. यासाठी सरकारने नियमांमध्ये काही महत्त्वाचे बदल केले आहेत.

EPF Money Withdrawal. Considering the need for money of the common man, the central government has launched a new service on provident funds. Under this you can now withdraw an advance of Rs 1 lakh from your Employees Provident Fund. You can withdraw this money during any medical emergency :

बिल करण्याची गरज नाही:
कर्मचाऱ्यांना 1 लाख रुपयांपर्यंतचे वैद्यकीय अँडव्हॉन्स रक्कम काढण्याची सुविधा सुरू करण्यात आल्याची माहिती कर्मचारी भविष्य निधी संघटनेने दिली आहे. कोरोना विषाणू व्यतिरिक्त इतर कोणत्याही आजाराच्या वेळी आपत्कालीन परिस्थितीत रुग्णालयात दाखल केल्यावर पीएफमधून पैसे काढता येतात. यापूर्वी देखील आपल्याला वैद्यकीय आणीबाणीच्या वेळी EPF मधून पैसे काढता येणे शक्य होते. परंतु, वैद्यकीय बिल जमा केल्यानंतर ते पैसे उपलब्ध होत होते. मात्र, ही नवीन वैद्यकीय अँडव्हॉन्स सेवा पूर्वीच्या प्रणालीपेक्षा वेगळी आहे. यामध्ये तुम्हाला कोणतेही बिल भरावे लागणार नाही. तुम्हाला फक्त अर्ज करायचा आहे आणि आता 3 दिवसांऐवजी फक्त 1 तासात तुमच्या खात्यात पैसे ट्रान्सफर केले जातील.

पीएफमधून पैसे कसे काढायची प्रोसेस:
* यासाठी तुम्हाला आधी epfindia.gov.in वेबसाइटला भेट द्यावी लागेल.
* वेबसाइटच्या मुख्यपृष्ठावर, वरच्या उजव्या कोपऱ्यात ऑनलाइन अॅडव्हान्स क्लेमवर क्लिक करा.
* यानंतर unifiedportalmem.epfindia.gov.in/memberinterface वर जा.
* ऑनलाईन सेवांवर जा. यानंतर क्लेम फॉर्म -31, 19, 10 सी आणि 10 डी भरा.
* तुमच्या बँक खात्याचे शेवटचे 4 अंक टाका आणि पडताळणी करा.
* ऑनलाइन दाव्यासाठी Next वर क्लिक करा.
* ड्रॉप डाऊनमधून पीएफ अॅडव्हान्स रक्कम निवडा.
* पैसे काढण्याचे कारण निवडा. रक्कम प्रविष्ट करा आणि चेकची स्कॅन केलेली प्रत अपलोड करा. मग तुमचा पत्ता टाका.
* गेट आधार ओटीपीवर क्लिक करा आणि आधार लिंक्ड मोबाईलवर प्राप्त झालेला ओटीपी एंटर करा.
* या प्रक्रियेनंतर तुमचा पैसे काढण्यासाठीचा दावा दाखल केला जाईल. PF क्लेमचे पैसे तुमच्या खात्यात एका तासात येतील.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. आरोग्य विषयक लेखात दिलेला सल्ला ही केवळ सामान्य माहिती आहे. हे तज्ञांचे मत नाही.

News Title: EPF Money Withdrawal online within a hour.