MobiKwik IPO | मोबिक्विकच्या IPO'ला सेबीकडून मंजुरी | गुंतवणूकदारांसाठी मोठी संधी

मुंबई, 08 ऑक्टोबर | MobiKwik ला भारतीय सिक्युरिटीज अँड एक्स्चेंज बोर्ड कडून 1,900 कोटी रुपयांच्या आरंभिक सार्वजनिक ऑफरिंग साठी मंजुरी मिळाली. गुरुग्राम स्थित कंपनीने जुलै महिन्यात सेबीकडे IPO साठी कागदपत्रे सादर केली होती. आयपीओमधून 1,900 कोटी रुपये उभारण्याचा कंपनीचा (MobiKwik IPO) मानस आहे. आयपीओंतर्गत 1,500 कोटी रुपयांचे नवीन समभाग जारी केले जातील. याशिवाय कंपनीचे विद्यमान भागधारक 400 कोटी रुपयांच्या विक्रीसाठी ऑफर आणतील. मर्चंट बँकिंग सूत्रांनी सांगितले की, सेबीने मोबिक्विकच्या आयपीओला मंजुरी दिली आहे. यासंदर्भात कंपनीकडून त्वरित प्रतिसाद मिळाला नाही.

MobiKwik IPO. MobiKwik has received approval from markets regulator Securities and Exchange Board of India (SEBI) to launch an initial public offering (IPO) through which it plans to raise up to ₹1,900 crore, reports suggest :

गुगल पे, फोन पे, पेटीएम सारख्या पेमेंट अॅप्सशी टक्कर:
सिकोइया कॅपिटल आणि बजाज फायनान्स लिमिटेडची मोबिक्विकमध्ये मोठी गुंतवणूक आहे. या कंपनीची थेट स्पर्धा व्हॉट्सअॅप, गुगल पे, फोन पे, पेटीएम सारख्या पेमेंट अॅप्सशी आहे. PwC च्या अहवालानुसार, भारताचे डिजिटल पेमेंट मार्केट 2022-2030 पर्यंत 2.3 ट्रिलियन डॉलरपर्यंत पोहोचू शकते. अशा परिस्थितीत मोबिक्विक सारखी डिजिटल पेमेंट सुविधा पुरवणाऱ्या कंपन्यांना मोठा वाव आहे.

MobiKwik द्वारे दररोज 10 लाखांहून अधिक व्यवहार केले जातात. मोबिक्विकचा वापर करून फोन रिचार्ज करता येतात, बिल जमा करता येतात आणि अनेक ठिकाणी पेमेंटही करता येते. सध्या 30 लाखांहून अधिक व्यापारी आणि किरकोळ विक्रेते मोबिक्विकशी संबंधित आहेत. सध्या मोबिक्विकच्या ग्राहकांची संख्या 1.07 कोटींपेक्षा जास्त आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. आरोग्य विषयक लेखात दिलेला सल्ला ही केवळ सामान्य माहिती आहे. हे तज्ञांचे मत नाही.

News Title: MobiKwik IPO received approval from SEBI to raise up 1900 crore from market.