२००९ मध्ये काँग्रेसच्या काळात कामाला सुरुवात झालेल्या सिक्कीमच्या पहिल्या विमानतळाचं मोदींच्या हस्ते लोकार्पण

सिक्कीम : आज पंतप्रधान नरेंद्र मोदींच्या हस्ते सकाळीच राज्यातील पहिल्या विमानतळाचं लोकार्पण करण्यात आलं. परंतु, आज मोदींच्या हस्ते उदघाटन झालं असल तरी या विमानतळाचं काम २००९ मध्येच म्हणजे काँग्रेसच्या राजवटीचा सुरु झालं होत. पूर्वनियोजित योजनेनुसार या विमानतळाचं बांधकाम पूर्ण होण्यास तब्बल ९ वर्षांचा कालावधी लागला. सिक्कीममधील पहिलं विमानतळ राजधानी गंगटोकपासून ३३ किलोमीटर अंतरावर आहे. हे विमानतळ तब्बल २०१ एकरवर पसरलेलं आहे. समुद्रसपाटीपासून ४,५०० फूटांवर पाकयोंग गावापासून २ किलोमीटर उंचीवर असलेल्या एका डोंगरावर हे महत्वाकांक्षी विमानतळ उभारण्यात आलं आहे.

पंतप्रधान नरेंद्र मोदी यांच्यासोबत केंद्रीय मंत्री सुरेश प्रभू सुद्धा उपस्थित होते. या उदघाटन कार्यक्रमासाठी नरेंद्र मोदी कालच गंगटोकमध्ये दाखल झाले होते. रविवारी संध्याकाळी ते सिक्किमला दाखल झाले. सिक्कीमला जात असताना त्यांनी विमानातून टिपलेले अनेक फोटो सोशल मीडियावर शेअर केले. दरम्यान, राज्यपाल गंगा प्रसाद आणि मुख्यमंत्री पवन चामलिंग यांनी नरेंद्र मोदींचं स्वागत केलं. या नव्या पाकयोंग विमानतळामुळे आता सिक्कीम हवाई वाहतुकीच्या नकाशावर आलं आहे. एएआयनं या भव्य विमानतळाची उभारणी केली आहे. या विमान तळाच भौगोलिक स्थान अतिशय महत्त्वाचं आहे असं तज्ज्ञ सांगतात.

#Visuals of Prime Minister Narendra Modi inaugurating Pakyong Airport near Gangtok in Sikkim. CM Pawan Chamling & Union Aviation Minister Suresh Prabhu also present. pic.twitter.com/WCMpYqcESm

— ANI (@ANI) September 24, 2018

Prime Minister Narendra Modi at the inauguration of New Greenfield Airport at Pakyong, Gangtok in Sikkim. PM to speak shortly. pic.twitter.com/7qpvPMIV06

— ANI (@ANI) September 24, 2018

Serene and splendid!

Clicked these pictures on the way to Sikkim. Enchanting and incredible! #IncredibleIndia pic.twitter.com/OWKcc93Sb1

— Narendra Modi (@narendramodi) September 23, 2018