Auto world | हैदराबादच्या स्टार्टअपचा कमाल | ७ रुपयांत १०० किमी | ५० हजारात बाईक

हैदराबाद, ७ सप्टेंबर : हैदराबादची इलेक्ट्रीक व्हेईकल कंपनी Atumobile प्रायव्हेट लिमिटेडने एक जबरदस्त मायलेज देणारी इलेक्ट्रीक बाईक बाजारात आणली आहे. या बाईकचे नाव आहे Atum 1.0. या बाईकची बेस प्राईजही ५० हजार रुपये आहे. Atum 1.0 ही ICAT ने मंजुरी दिलेली कमी स्पीडची इलेक्ट्रीक बाईक आहे. यामुळे या बाईकसाठी कोणतेही रजिस्ट्रेशन करण्याची गरज नाही, तसेच ड्रायव्हिंग लायसनचीही गरज राहणार नाही.

या बाईकमध्ये पोर्टेबल लिथियम-आयन बॅटरी देण्यात आली आहे, जी ४ तासांपेक्षा कमी वेळात फुल चार्ज होते. कंपनीच्या दाव्यानुसार एकदा चार्ज झाली की बाईक १०० किमीची रेंज देते. ही बॅटरी दोन वर्षांच्या वॉरंटीसह येते. तसेच ही बाईक विविध रंगात उपलब्ध आहे. Atum 1.0 मध्ये लाईटवेट ६ किलोचे बॅटरी पॅक देण्यात आले आहे. ही बॅटरी काढता येत असल्याने युजर ही बॅटरी काढून कुठेही थ्री पिन सॉकेटद्वारे चार्ज करू शकणार आहेत.

हैदराबादच्या स्टार्टअपचा कमाल | ७ रुपयांत १०० किमी | ५० हजारात बाईक pic.twitter.com/XL6geetBnA

— महाराष्ट्रनामा न्यूज (@MahaNewsConnect) September 7, 2020

कंपनीचा दावा आहे की, १०० किमीच्या रेंजसाठी ही बाईक ७ ते १० रुपये खर्च करते. म्हणजेच 1 युनिट वीज चार्जिंगसाठी वापरली जाते. कंपनीनुसार बाजारात उपलब्ध असलेल्या बाईकचा १०० किमीचा खर्च हा ८० ते १०० रुपये आहे. या इलेक्ट्रीक बाईकमध्ये 20X4 फॅट बाईक टायर देण्यात आलेले आहेत. या बाईकमध्ये लो सीट हाईट, LED हेडलाइट, इंडीकेटर्स, टेललाइट आणि फुल टिजिटल डिस्प्ले देण्यात आला आहे. Atum 1.0 इलेक्ट्रिक बाइक तीन वर्षांच्या संशोधनानंतर बनविण्य़ात आली आहे.

News English Summary: The Indian startup company says that the Atum 1.0 is approved by the International Centre for Automotive Technology as a low-speed bike. Featuring a cafe-racer type design, it has a Lithium Ion battery that takes under 4 hours to charge fully, and offers a range of 100 km. Some of the bike’s features include a digital display and LED headlight, indicators & taillight. The vehicle is to be launched this year for a price of around Rs. 50,000.

News English Title: Atum electric Bike Hyderabad startup Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.