टेस्लाची R&D सेंटरसाठी कर्नाटकला पसंती | नियोजित प्लांट महाराष्ट्रात उभारण्याबाबत सकारात्मक

मुंबई, १४ जानेवारी: अमेरिकन कार कंपनी टेस्लाची अखेर भारतामध्ये एंट्री झाली आहे. दिग्गज उद्योगपती एलन मस्क यांनी यापूर्वी अनेकदा ट्विटरवरुन याबाबतचे संकेत दिले होते. अखेर ही प्रतीक्षा संपली आहे. टेस्ला कंपनीनं 8 जानेवारी रोजी भारतामध्ये नोंदणी केली आहे.

टेस्ला कंपनीनं त्यांचं ऑफिस आणि R&D केंद्र सुरु करण्यासाठी बंगळुरुची निवड केली आहे. बंगळुरुमधील रिचमंड सर्कल जंक्शन भागात टेस्ला कंपनीचं ऑफिस असेल. या ठिकाणी कंपनीचा संशोधन आणि विकास ऑफिस असेल, अशी माहिती आहे. कंपनीनं भारतामधील कामकाज पाहण्यासाठी तीन संचालकांची देखील नियुक्ती केली आहे. सदर घटनेनंतर विरोधकांनी ठाकरे सरकारला लक्ष केलं होतं.

दरम्यान, राष्ट्रवादीचे आमदार रोहित पवार यांनी केलेल्या ट्विटमुळे महाराष्ट्राच्या आशा पल्लवीत होऊ शकतात. अजून देखील टेस्लाने रिसर्च अँड डेव्हलेपमेंट सेंटरसाठी कर्नाटकला पसंती दिली असली तरी ते त्यांचा नियोजित प्लांट महाराष्ट्रात उभारण्याबाबत सकारात्मक आहेत”, अशी माहिती आमदार रोहित पवार यांनी दिली आहे. यासोबतच राज्याचे पर्यटन मंत्री आदित्य ठाकरे, उद्योग मंत्री सुभाष देसाई आणि रायगडच्या पालक मंत्री अदिती तटकरे टेस्लासह ई-वाहन कंपन्यांना महाराष्ट्रात आणण्यास प्रयत्नशील असून सरकारने नेमलेली एक समिती या कंपन्यांच्या संपर्कात असल्याचंही त्यांनी सांगितलं.

.@Tesla ने R&D सेंटरसाठी कर्नाटकला पसंती दिली तरी ते त्यांचा नियोजित प्लांट महाराष्ट्रात उभारण्याबाबत सकारात्मक आहेत. @AUThackeray जी @Subhash_Desai साहेब व @iAditiTatkare ताईही टेस्लासह ई-वाहन कंपन्या आणण्यास प्रयत्नशील असून सरकारने नेमलेली एक समिती या कंपन्यांच्या संपर्कात आहे.

— Rohit Pawar (@RRPSpeaks) January 14, 2021

News English Summary: Maharashtra’s hopes may be dashed due to the tweet of NCP MLA Rohit Pawar. Even though Tesla still prefers Karnataka for the R&D center, they are positive about setting up their planned plant in Maharashtra, ”said MLA Rohit Pawar. He also said that efforts were being made to bring e-vehicle companies to Maharashtra, including state Tourism Minister Aaditya Thackeray, Industry Minister Subhash Desai and Raigad Guardian Minister Aditi Tatkare, and that a government-appointed committee was in touch with them.

News English Title: Elon Musks Tesla auto may come to Maharashtra said NCP MLA Rohit Pawar news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.