Lambretta Electric Scooter | लोकप्रिय टू-व्हीलर ब्रँड लॅम्ब्रेटा भारतात लाँच होणार, संपूर्ण तपशील जाणून घ्या

Lambretta Electric Scooter | लोकप्रिय टू-व्हीलर ब्रँड लॅम्ब्रेटा 2023 मध्ये भारतात परतणार आहे. नव्या मीडिया रिपोर्टमध्ये दावा करण्यात आला आहे की, कंपनी बर्ड ग्रुपच्या सहकार्याने पुनरागमन करणार आहे. कंपनी २०२३ मध्ये भारतात २०० आणि ३५० सीसीची हाय पॉवर स्कूटर जी, व्ही आणि एक्स मॉडेलची रेंज सादर करणार आहे. याशिवाय 2024 मध्ये इलेक्ट्रिक स्कूटर लाँच करण्याचीही कंपनीची योजना आहे.

प्रसार माध्यमांशी बोलताना लॅम्ब्रेटा ब्रँडचे मालक आणि इनोसेंटी एसएचे बोर्ड सदस्य वॉल्टर शेफ्राहान यांनी सांगितले की, भारतीय बाजारपेठ काबीज करण्यासाठी हा समूह बर्ड ग्रुपकडे पुढील 5 वर्षांत 200 दशलक्ष डॉलर्सची गुंतवणूक करणार आहे.

नवीन स्कूटर हाय-एंड मॉडेल :
नवीन स्कूटर हाय-एंड मॉडेल म्हणून आणल्या जातील. या संयुक्त उपक्रमात लॅम्ब्रेटाचा 51% हिस्सा आहे, तर उर्वरित 49% हिस्सा बर्ड ग्रुपने विकत घेतला आहे. कंपनी २०२३ च्या सुरुवातीला सीबीयू आणि एसकेडी मॉडेल लाँच करणार आहे. याशिवाय 2024 च्या पहिल्या तिमाहीपासून भारतात उत्पादन सुरू करण्याचा कंपनीचा विचार आहे.

मोटरसायकल शोमध्ये सादर :
इलेक्ट्रिक लॅम्ब्रेटा स्कूटर २०२३ मध्ये मिलान मोटरसायकल शोमध्ये सादर केली जाईल आणि हेच मॉडेल भारतात स्थानिक पातळीवर बनवले जाऊ शकते. लॅम्ब्रेटाची सध्या सुमारे ७० देशांमध्ये उपस्थिती असून युरोप आणि आग्नेय आशियात स्कूटर्स तयार केल्या जातात. हा भारतातील सर्वात मोठा कारखाना असण्याची शक्यता असून कंपनी भारतातील या कारखान्याचा वापर निर्यातीसाठी करणार आहे.

नवीन कारखान्याची क्षमता सुमारे १ लाख युनिट असून, ५० लोकांसाठी रोजगाराच्या संधी निर्माण होणार आहेत. कंपनी मानेसरमध्ये एक नवीन कारखाना सुरू करणार आहे आणि स्कूटरच्या स्थानिकीकरणाचे काम क्यू 1, 2024 मध्ये सुरू होईल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Lambretta Electric Scooter  2023 will be launch in India check details 06 September 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.