Tata Nexon | टाटा नेक्सॉन CNG व्हेरियंटमध्ये लवकरच लाँच होतंय, जाणून घ्या किती बदलणार SUV

Tata Nexon | टाटा नेक्सॉन ही भारतीय ग्राहकांमध्ये सर्वात लोकप्रिय एसयूव्ही आहे. गेल्या काही वर्षांत टाटा नेक्सॉन ही कंपनीची सर्वाधिक विकली जाणारी एसयूव्ही आहे. टाटा नेक्सॉन ही 2023 मध्ये कंपनीची सर्वाधिक विकली जाणारी एसयूव्ही ठरली आहे.

टाटा मोटर्सने 2017 मध्ये नेक्सॉन लाँच केले होते, ज्याची आतापर्यंत 6 लाखांहून अधिक युनिट्स ची विक्री झाली आहे. आता कंपनी येत्या काही महिन्यांत टाटा नेक्सॉनचे सीएनजी व्हेरियंट लाँच करण्याच्या तयारीत आहे. जानेवारीमहिन्यात नवी दिल्लीयेथे झालेल्या भारत मोबिलिटी ग्लोबल एक्स्पो 2024 मध्ये टाटा नेक्सॉन आयसीएनजी व्हेरियंट लाँच करण्यात आला होता.

काय असेल नवीन?
टाटाने काही वर्षांपूर्वी टियागो आणि टिगॉरसोबत iCNG तंत्रज्ञानही सादर केले जे त्या मॉडेल्ससाठी गेम चेंजर ठरले. त्यात बूट स्पेसही कमी करण्यात आली नव्हती. आता कंपनी अशाच प्रकारे टाटा नेक्सॉन लाँच करण्याच्या तयारीत आहे, जी 230 लीटरची बूट स्पेस टिकवून ठेवेल. याशिवाय आगामी टाटा नेक्सॉन सीएनजी व्हेरियंटला पॅनोरॅमिक सनरूफ देखील दिला जाऊ शकतो. नेक्सॉन सीएनजी व्हेरियंटमध्ये 1.2 लीटर 3-सिलिंडर टर्बो पेट्रोल इंजिन असेल जे सामान्यत: 120bhp पॉवर आणि 170Nm पीक टॉर्क जनरेट करण्यास सक्षम असेल, असा दावा अनेक मीडिया रिपोर्ट्समध्ये केला जात आहे.

टाटा नेक्सनची काही वैशिष्ट्ये
सध्याच्या टाटा नेक्सॉनच्या वैशिष्ट्यांबद्दल बोलायचे झाले तर ग्राहकांना 10.25 इंचाची टचस्क्रीन इन्फोटेनमेंट सिस्टिम, 10.25 इंचाचा फुल डिजिटल ड्रायव्हर डिस्प्ले, ऑटोमॅटिक क्लायमेट कंट्रोल, वायरलेस फोन चार्जिंग आणि हाइट अॅडजस्टेबल फ्रंट सीट मिळतात. यात स्टँडर्ड 6-एअरबॅग्स, इलेक्ट्रॉनिक स्टेबिलिटी प्रोग्राम, टायर प्रेशर मॉनिटरिंग सिस्टम आणि 360 डिग्री कॅमेरा देण्यात आला आहे.

फॅमिली सुरक्षेसाठी क्रॅश टेस्टमध्ये टाटा नेक्सनला ग्लोबल NCAP ने 5 स्टार रेटिंग दिले आहे. टॉप मॉडेलमध्ये टाटा नेक्सॉनची एक्स-शोरूम किंमत 7.99 लाख रुपयांपासून 15.80 लाख रुपयांपर्यंत जाते.

News Title : Tata Nexon Price in India check details 19 May 2024.