Vespa SXL Scooter | व्हेस्पा SXL रेंज चार कलर ऑप्शनमध्ये लाँच, किंमत आणि फीचर्स डिटेल्स पाहा

Vespa SXL Scooter | पियाजिओ व्हेइकल्सने व्हेस्पा एसएक्सएल श्रेणीतील स्कूटर चार नवीन कलर ऑप्शनमध्ये लाँच करण्याची घोषणा केली आहे. नव्या कलर ऑप्शनमध्ये मिडनाइट डेझर्ट, टस्कनी सनसेट, जेड स्ट्रीक आणि सनी एस्केपडे यांचा समावेश आहे. नवीन वेस्पा एसएक्सएल रेंज १२५ सीसी आणि १५० सीसी व्हेरिएंटमध्ये दिली आहे. त्यांची किंमत १.३३ लाख ते १.५३ लाख रुपये (एक्स-शोरूम) दरम्यान आहे. जाणून घेऊया या स्कूटर्समध्ये काय खास आहे.

वेस्पा एसएक्सएल 125 – Vespa SXL 125
व्हेस्पा एसएक्सएल १२५ सीरीजची एक्स-शोरूम किंमत १.३३ लाख ते १.३९ लाख रुपये आहे. स्कूटरमध्ये १२४.४५ सीसी, सिंगल-सिलिंडर, एअर-कूल्ड, फ्यूल इंजेक्टेड इंजिन देण्यात आले आहे जे ७,५०० आरपीएम वर ९.८ बीएचपी आणि ५,५०० आरपीएमवर ९.६ एनएम पीक टॉर्क तयार करते. इंजिन सीव्हीटी सोबत येते.

वेस्पा एसएक्सएल 150 – Vespa SXL 150
व्हेस्पा एसएक्सएल १५० रेंजची एक्स शोरूम किंमत १.४७ लाख ते १.५३ लाख रुपये आहे. यात १४९.५ सीसी, सिंगल-सिलिंडर, एअर-कूल्ड, फ्युअल इंजेक्टेड इंजिन आहे. ही मोटर ७,६०० आरपीएमवर १०.३ बीएचपी आणि सीव्हीटीसह ५,५०० आरपीएमवर १०.६ एनएम पीक टॉर्क वितरीत करते.

कंपनी स्टेटमेंट
या नव्या लाँचिंगबाबत बोलताना पियाजिओ व्हेइकलचे अध्यक्ष आणि एमडी दिएगो ग्राफी म्हणाले, भारतीय ग्राहकांचा भरघोस प्रतिसाद मिळाल्यानंतर आम्ही वेस्पाचे पुनरुज्जीवन करत आहोत. व्हेस्पाच्या नवीन कलर पोर्टफोलिओसह, आम्ही आमच्या ग्राहकांना त्यांच्या व्यक्तिमत्त्वानुसार उत्कृष्ट व्हेरियंट पर्याय आणि रायडिंग अनुभव प्रदान करण्याचे उद्दीष्ट ठेवले आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Vespa SXL Scooter launched with new four colors options check details on 10 December 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.