बिहारमध्ये पत्रकार परिषद | सुशांतला न्याय मिळेपर्यंत भाजप गप्प बसणार नाही - फडणवीस

मुंबई, १२ सप्टेंबर : अभिनेता सुशांतसिंह राजपूतला न्याय मिळवून देण्यासाठी सामान्य माणसाची भावना बिहार निवडणुकीत मांडणार असे बिहार भाजपचे निवडणूक प्रभारी देवेंद्र फडणवीस यांनी पाटण्यात घेतलेल्या पत्रकार परिषदेत जाहीर केले. सुशांतला न्याय मिळणार नाही, तोवर भाजप स्वस्थ बसणार नाही असे सांगताना, बिहार भाजपच्या सुशांत पोस्टरची जबाबदारीही फडणवीस यांनी घेतली.

आत्महत्या प्रकरणाला बिहार निवडणुकीचा मुद्दा बनवण्याची भाजपची इच्छा नाही. पण जोवर सुशांतला न्याय मिळणार नाही तोवर भाजप स्वस्थ बसणार नाही, असे यावेळी देवेंद्र फडणवीस म्हणाले. पहिल्यांदा भाजपच्यावतीने सुशांतसिंह राजपूत प्रकरणावर निवडणूक मुद्द्याच्या अनुषंगाने देवेंद्र फडणवीस बोलले होते.

पटना में आज चुनाव संचालन समिति की बैठक हमारे @BJP4India के राष्ट्रीय अध्यक्ष मा. जे. पी. नड्डा जी के अध्यक्षता में हुई।
बिहार का यह चुनाव महत्वपूर्ण है। यह चुनाव बिहार के भाग्य का, भविष्य का चुनाव है।#BiharElections pic.twitter.com/tWiHM4532R

— Devendra Fadnavis (@Dev_Fadnavis) September 11, 2020

दरम्यान, सुशांत सिंह राजपूत मृत्यू प्रकरणात ड्रग अँगल समोर आल्याने हे प्रकरण वेगळ्या वळणावर जाऊन पोहोचले आहे. दरम्यान यामध्ये मुख्य आरोपपत्र असाणारी अभिनेत्री आणि सुशांतची गर्लफ्रेंड रिया चक्रवर्तीला एनसीबीने अटक केली आहे. तिने केलेला दुसरा जामीन अर्ज देखील फेटाळण्यात आला आहे. याप्रकरणात नारकोटिक्‍स कंट्रोल ब्‍यूरोचा तपास जसजसा पुढे सरकत आहे, तसतशा विविध गोष्टी समोर येत आहेत. नुकताच रिया आणि सुशांतचा एक अनसीन व्हिडीओ समोर आला आहे. यामध्ये दोघेजण रोल्ड सिगार ओढताना दिसत आहे.

रियाने तिच्या जामिन याचिकेमध्ये कोर्टात असे म्हटले होते की, एनसीबीने तीचा कबुलीजबाब जबरदस्तीने घेतला होता आणि या चौकशीदरम्यान कोणतीही महिला अधिकारी उपस्थित नव्हती.

News English Summary: On his first visit to Bihar after assuming charge as the BJP election in-charge in Bihar, former Maharashtra chief minister Devendra Fadnavis on Friday said late Bollywood actor Sushant Singh Rajput’s death is not a poll issue, but his party “would not rest till Rajput gets justice”.

News English Title: Assembly Election 2020 BJP will not remain silent till Sushant Singh Rajput gets justice Devendra Dadnavis Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.