EVM संख्येत ६३% वाढ | सकाळी पोस्टल बॅलेट मतमोजणीनंतरच महाआघाडी पिछाडीवर

पाटणा, १० नोव्हेंबर: बिहार विधानसभा निवडणूक निकाल प्रक्रियेत आज दुपारी ३ वाजेपर्यंत जे कल हाती आले आहेत त्यानुसार १२८ जागांवर NDA ने आघाडी घेतल्याचं चित्र आहे. भारतीय जनता पक्षाला ७३ जागांवर आघाडी मिळाली आहेत. तर जनता दल युनायटेडला ४९ जागांवर आणि HAM ला १ जागेवर आघाडी मिळाली आहे.

तर दुसरीकडे महाआघाडीने एकूण १०५ जागांवर आघाडी घेतली आहे. यापैकी ६७ जागांवर राष्ट्रीय जनता दल, २० जागांवर काँग्रेस आणि डाव्यांनी १८ जागांवर आघाडी घेतली आहे. बहुजन समाज पार्टीला दोन जागांवर, MIM’ला दोन जागांवर तर एलजेपी आणि इतर यांना चार जागांवर आघाडी मिळाली आहे. दुपारी ३ वाजेपर्यंत जे कल हाती आले आहेत त्यानुसार आत्ता तरी एनडीएला आघाडी मिळते आहे असंच दिसतं आहे. निवडणूक आयोगाने ही माहिती दिली आहे. दरम्यान, बिहारमधील विधानसभा निवडणुकीचा अंतिम निकाल हाती येण्यासाठी आजची रात्र उजाडणार आहे. निवडणूक आयोगाने रात्री उशिरापर्यंत मतमोजणी सुरु असेल अशी माहिती दिली आहे.

त्यामुळे बिहार विधानसभा निवडणुकीच्या मतमोजणीसाठी नेहमीपेक्षा जास्त वेळ लागणार हे स्पष्ट झालं आहे. EVM’च्या संख्येत ६३ टक्के वाढ झाली असल्या कारणाने रात्री उशिरापर्यंत मतमोजणी सुरु असेल,” अशी माहिती निवडणूक आयोगाने दिली आहे. बिहारमध्ये ३ टप्प्यात ४ कोटी १६ लाख लोकांनी मतदान केलं असून दुपारी तीन वाजेपर्यंत एक कोटी मतमोजणी झाली असल्याचं निवडणूक आयोगाने सांगितलं आहे.

News English Summary: It has become clear that the counting of votes for the Bihar Assembly elections will take longer than usual. As the number of EVMs has increased by 63 per cent, the counting of votes will continue till late at night, ”the Election Commission said. In Bihar, 4 crore 16 lakh people have cast their votes in three phases and one crore votes have been counted till 3 pm, according to the Election Commission.

News English Title: Bihar Assembly Election 2020 EVM machines increases by 63 percent said Election commission news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.