आमच्या विजयी उमेदवारांना पराभूत घोषित केलं | RJD चा गंभीर आरोप

पाटणा, १० नोव्हेंबर: बिहार विधानसभा निवडणुकीची मतमोजणी (Bihar Assembly Election 2020 vote counting) सुरू झाली आहे. सुरुवातीच्या काही फेऱ्यांमध्ये महाआघाडीने मोठी बढत घेतली होती. मात्र, नंतर हे चित्र बदललं. दुपारी तीनपर्यंत एनडीएने महाआघाडीला पिछाडीवर टाकत १२८ जागांवर आघाडी घेतली. यात ७३ ठिकाणी भारतीय जनता पक्ष आघाडीवर आहे. तर JDU ४९, व्हीआयपी ५ व हम एका जागेवर आघाडीवर आहे. दुसरीकडे महाआघाडी (MahagathBandhan) सध्या १०५ जागांवर आघाडी आहे. RJD’चे ६७ उमेदवार आघाडीवर आहेत. काँग्रेसने २०, तर डाव्यांनी १८ जागांवर आघाडी घेतली आहे. बसपा आणि एमआयएमचे प्रत्येकी दोन उमेदवार आघाडीवर आहेत.

बिहारमधल्या १०३ जागांचे निकाल लागले आहेत. यामध्ये एनडीएने ५४ जागा जिंकल्या आहेत. ५४ पैकी ३२ जागा भारतीय जनता पक्षाने १९ जागा जदयूने तर HAM ने एक जागा जिंकली आहे. ६९ जागी NDA’ची आघाडी आहे. तर महाआघाडीने ४४ जागी विजय मिळवला आहे. यापैकी २९ जागी राजदने, ७ जागी काँग्रेसने आणि डाव्यांनी ८ जागांवर विजय मिळवला आहे. महाआघाडीनेही ६९ जागी आघाडी घेतली आहे. त्यामुळे सत्तेसाठीची रस्सीखेच दोहोंमध्येही पाहण्यास मिळते आहे.

दुसरीकडे, अद्याप बहुतेक जागांवरचे अंतिम निकालाची अधिकृत घोषणा होणं बाकी आहे. मात्र, या दरम्यान तेजस्वी यादव यांच्या राष्ट्रीय जनता दलाकडून मतमोजणीत गोंधळ होत असल्याचा आरोप करण्यात आलाय.

राष्ट्रीय जनता दलानं आपल्या अधिकृत ट्विटर अकाऊंटवरून आपल्या उमेदवारांची एक यादीच प्रसिद्ध केलीय. ‘ही त्या ११९ मतदारसंघांची यादी आहे जिथे मतमोजणी संपूर्ण झाल्यानंतर महाआघाडीचे उमेदवार विजयी झालेले आहेत. रिटर्निंग अधिकाऱ्यांनी त्यांना विजयाच्या शुभेच्छाही दिल्या परंतु, आता मात्र ते सर्टिफिकेट न देता पराभूत झाल्याचं उमेदवारांना सांगत आहेत. निवडणूक आयोगाच्या वेबसाईटवरही त्यांना विजयी घेषित करण्यात आलं. लोकशाही अशी लुटालूट चालणार नाही’ असं आरजेडीनं या ट्विटमध्ये म्हटलंय.

ये उन 119 सीटों की सूची है जहाँ गिनती संपूर्ण होने के बाद महागठबंधन के उम्मीदवार जीत चुके है। रिटर्निंग ऑफ़िसर ने उन्हें जीत की बधाई दी लेकिन अब सर्टिफ़िकेट नहीं दे रहे है कह रहे है कि आप हार गए है। ECI की वेबसाइट पर भी इन्हें जीता हुआ दिखाया गया। जनतंत्र में ऐसी लूट नहीं चलेगी। pic.twitter.com/puUvIagyDz

— Rashtriya Janata Dal (@RJDforIndia) November 10, 2020

News English Summary: The Rashtriya Janata Dal has just released a list of its candidates from its official Twitter account. This is the list of those 119 constituencies where the candidates of the Grand Alliance have won after the completion of the counting of votes. Returning officers also wished him victory, but now he is telling the candidates that he lost without giving a certificate. He was also declared the winner on the Election Commission’s website. Democracy will not be looted like this’, RJD said in this tweet.

News English Title: Bihar Assembly Election 2020 voting counting RJD made serious allegations news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.