नितीशकुमारांनी अनेकांना दगा दिला आहे | त्यामुळे बिहारमध्ये राजकीय भूकंप शक्य

पाटणा, १३ नोव्हेंबर : नुकत्याच झालेल्या बिहार विधानसभा निवडणुकीनंतर (Bihar Assembly Election 2020) मुख्यमंत्री नितीशकुमार यांनी राज्यपालांकडे आपला राजीनामा सोपवलाय. मंत्रीमंडळाच्या बैठकीत विधानसभा भंग करण्याची शिफारस करण्यात आल्यानंतर नितीशकुमार यांनी आपला राजीनामा राज्यपालांकडे सोपवलाय.

यापूर्वी, आज झालेल्या एनडीएच्या बैठकीत दिवाळीनंतर आपला नवा नेता निवडण्यात येईल, असा निर्णय घेण्यात आला. मुख्यमंत्री नितीशकुमार यांच्या निवासस्थानी ही बैठक पार पडली. आता यानंतर पुढची बैठक दिवाळीनंतर अर्थात १५ नोव्हेंबर रोजी दुपारी १२.३० वाजता होणार असल्याची माहिती मुख्यमंत्री नितीशकुमार यांनी दिली.

दरम्यान, नितीशकुमार हे जेव्हा अस्वस्थ असतात तेव्हा ते निर्णय घेऊन मोकळे होतात. त्यामुळे बिहारमध्ये राजकीय भूकंप होणं शक्य आहे असं देखील शिवसेना खासदार संजय राऊत यांनी म्हटलं आहे. नितीशकुमारांनी माजी संरक्षण मंत्री जॉर्ज फर्नांडिस यांच्यासोबत दगाफटका केला. राजदचे नेते लालूप्रसाद यादव आणि ते तर सत्तेत होते लालूप्रसाद यादव यांच्यासोबतही त्यांनी दगा केला. एनडीएलाही त्यांनी दगा दिला होता. त्यामुळे नितीशकुमार नेमकं काय करतील याची शाश्वती आत्ता तरी देता येत नाही असंही संजय राऊत यांनी म्हटलं आहे. टीव्ही नाइन मराठीशी संवाद साधताना संजय राऊत यांनी हे वक्तव्य केलं आहे.

News English Summary: When Nitish Kumar is upset, he is free to make decisions. Shiv Sena MP Sanjay Raut has also said that a political earthquake is possible in Bihar. Nitish Kumar had a scuffle with former defense minister George Fernandes. He also betrayed RJD leader Lalu Prasad Yadav and Lalu Prasad Yadav who was in power. He also betrayed the NDA.

News English Title: Political Earthquake may possible soon in Bihar says MP Sanjay Raut News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.