चौकशीसाठी नोटीस मिळाल्यावर कंगना पुन्हा महाराष्ट्र आणि मुंबई पोलिसांबद्दल बरळली

मुंबई, २२ ऑक्टोबर : बॉलिवूड अभिनेत्री कंगना रानौत हिला वांद्रे पोलीस चौकशी बोलावणार आहेत. येत्या सोमवारी तिला चौकशीसाठी बोलावण्यात येणार आहे. कंगनाला मुंबईपोलिसांनी व्हॉट्सअ‍ॅपवर नोटीस पाठवली आहे. कंगनासह तिची बहीण रंगोलीलाही नोटीस पाठवण्यात आली आहे. या दोघींना सोमवारी आणि मंगळवारी अनुक्रमे चौकशीसाठी बोलावण्यात आले आहे.

Mumbai Police summons Kangana Ranaut (file pic) & her sister Rangoli Chandel, asking them to appear before investigating officer, on next Monday & Tuesday (Oct 26 & 27)

FIR was registered against them at Mumbai’s Bandra Police Station, under various sections incl 124A (Sedition) pic.twitter.com/69lFJaWqTh

— ANI (@ANI) October 21, 2020

वांद्रे न्यायदंडाधिकारी न्यायालयाच्या आदेशानंतर मुंबई पोलिसांनी कंगना रणौत हिच्यासह तिच्या बहिणीविरोधात गुन्हा दाखल केला आहे. कंगना आणि तिची बहीण रंगोली चंडेल हिच्यावर दोन समाजात तेढ निर्माण करणे, धार्मिक द्वेष पसरवल्याचा आरोप करण्यात आला आहे. यासंदर्भात एक याचिकाही दाखल करण्यात आली होती. कंगना विरोधात दाखल केलेल्या एका याचिकेमध्ये याचिकाकर्त्यानं असं म्हटलं होतं की, हिंदू कलाकार आणि मुस्लिम कलाकार यांच्यात मतभेद निर्माण करत कंगनाने तिच्या ट्वीट आणि न्यूज चॅनेल्सवरील तिच्या वक्तव्यामधून द्वेष वाढवला आहे.

कंगनाविरोधात भादवी कलम 153(A), 295(A), 124, 34 IPC अंतर्गत FIR दाखल झाली आहे. अभिनेता सुशांत सिंह राजपूत मृत्यू प्रकरणानंतर अभिनेत्री कंगना रणौतने नेपोटिझम, फेव्हरेटिझम, बॉलिवूडमधील स्टार किड्स, ड्रग प्रकरण इ. अशा अनेक वक्तव्याबाबत भाष्य केले आहे. बॉलिवूडमधील अनेकांना तिने लक्ष्य केले आहे. याप्रकरणी कंगना रणौतची काय प्रतिक्रिया असेल, हे पाहणे महत्त्वाचे ठरेल.

दरम्यान, अभिनेत्री कंगना तिच्या भावाच्या लग्नात आनंद साजरा करत असतानाच तिला ही नोटीस मिळाली आहे. त्यानंतर तिने पुन्हा नोटीस मिळाल्यावर आगपाखड केली आहे. तिने मुंबई पोलिसांना ‘महाराष्ट्राचे पप्पू’ म्हटले आहे.

कंगनाने ट्विटरच्या माध्यमातून पोलिसांना उत्तर दिले आहे. त्यांनतर तिने ट्वीट करून असे म्हटले आहे की, ‘वेडसर झालेली पेंगविन सेना, महाराष्ट्राच्या पप्पूनो.. खूप आठवण येते आहे क-क-क-क-क कंगनाची, काही हरकत नाही लवकरच परत येईन.’

Obsessed penguin Sena … Pappupro of Maharashtra, bahut yaad aati hai k-k-k-k-k-Kangana, koi baat nahin jaldi aa jaungi …. https://t.co/nwLyoq1J2i

— Kangana Ranaut (@KanganaTeam) October 21, 2020

News English Summary: Bollywood actress Kangana Ranaut will be questioned by Bandra police. She will be summoned for questioning next Monday. Mumbai Police has sent a notice to Kangana on WhatsApp. A notice has also been sent to Kangana and her sister Rangoli. The two have been summoned for questioning on Monday and Tuesday, respectively.

News English Title: Bollywood Kangana Ranaut reaction after getting notice of inquiry from Mumbai Police News updates.