घाणेरडं राजकारण करून मिळवलेल्या खुर्चीसाठी तुम्ही पात्र नाही | पुन्हा मुख्यमंत्री लक्ष

मुंबई, २६ ऑक्टोबर : मुख्यमंत्रिपदाचा मास्क बाजूला ठेवून भाषण करतोय, असं म्हणत मुख्यमंत्री उद्धव ठाकरेंनी दसरा मेळाव्यात भाजप, मोदी सरकार, कंगना राणौत, राज्यपाल भगतसिंह कोश्यारींचा समाचार घेतला. घरी खायला मिळत नाही, मुंबईत यायचं आणि मुंबईशी नमकहरामी करायची, अशी घणाघाती टीका मुख्यमंत्र्यांनी कंगनावर केली. मुख्यमंत्र्यांच्या टीकेला आता कंगनानं प्रत्युत्तर दिलं आहे.

‘मुख्यमंत्री, तुम्हाला तुमची लाज वाटायला हवी. लोकसेवक असताना तुम्ही क्षुल्लक गोष्टींवरून संघर्ष करत आहात. तुमच्याकडे असणारी सत्ता तुमच्याशी सहमत नसलेल्या इतरांचा अपमान करण्यासाठी, त्यांना हानी पोहोचवण्यासाठी वापरत आहात. घाणेरडं राजकारण करून मिळवलेल्या खुर्चीसाठी तुम्ही पात्र नाही. तुम्हाला लाज वाटायला हवी,’ अशा तिखट शब्दांत कंगनानं मुख्यमंत्री ठाकरेंवर पलटवार केला आहे.

You should be ashamed of yourself chief minister, being a public servant you are indulging in petty fights, using your power to insult, damage and humiliate people who don’t agree with you, you don’t deserve the chair you have acquired by playing dirty politics. SHAME.

— Kangana Ranaut (@KanganaTeam) October 26, 2020

शिवसेनेचा दसरा मेळावा (Shiv Sena Dussehra Rally) यंदा प्रथमच शिवतीर्थावर नाही तर सभागृहात पार पडला. उद्धव ठाकरेंचे भाषण शिवसैनिकांनी ऑनलाईन स्वरुपात पाहिले. या दसरा मेळाव्यात उद्धव ठाकरेंनी विविध मुद्द्यांवर भाष्य केलं. मुंबईची तुलना पाकव्याप्त काश्मीर (PoK)सोबत करणाऱ्या कंगना रानौतवर उद्धव ठाकरेंनी निशाणा साधत टीका केली होती. यासोबतच भाजपवर सुद्धा उद्धव ठाकरेंनी टीकेचे बाण सोडले होते.

नेमकं काय म्हणाले होते मुख्यमंत्री उद्धव ठाकरे:
मुंबई पाकव्याप्त काश्मीर झालेला आहे असं म्हणत आहेत. मोदींनी २०१४ साली सांगितलं होतं की पाकव्याप्त काश्मीर भारतात आणल्याशिवाय राहणार नाही. पाकव्याप्त काश्मीर लांब राहिलं. पण भारतातील जो काश्मीर आहे तिकडे ज्यांना मुंबई पाकव्याप्त वाटते त्यांना म्हणावं अनधिकृत सोडून द्या, ३७० कलम काढलेलं आहे. अधिकृत एक इंच जमीन तरी काश्मीरमध्ये घेऊन दाखवा आणि मग आणच्या अंगावर या.

घरी खायला मिळत नाही आणि मुंबईत यायचं. वर दाखवायचं आम्ही कष्ट केले आहेत. मुंबई आणि महाराष्ट्रचं मीठ खायचं आणि मनक हरामी करायची, महाराष्ट्राची बदनामी कशाला करायची? असा सवालही उद्धव ठाकरेंनी उपस्थित केला.

News English Summary: Saying that he is putting aside his mask of Chief Minister’s post, Chief Minister Uddhav Thackeray took the news of BJP, Modi government, Kangana Ranaut, Governor Bhagat Singh Koshyari at the Dussehra meet. The Chief Minister slammed Kangana for not getting food at home, coming to Mumbai and committing adultery with Mumbai. Kangana has now responded to the Chief Minister’s criticism.

News English Title: Kangana Ranaut criticized CM Uddhav Thackeray after his Dasara Melava speech News Updates.