आमच्या बहिणी मध्यरात्रीसुद्धा कामावरुन बिनधास्त आपल्या घरी जातात | कारण मुंबई पोलीस

मुंबई, ४ सप्टेंबर : मुंबई पोलिसांबाबत वादग्रस्त वक्तव्य केलेली अभिनेत्री कंगना रनौत आता चांगलीच अडचणीत सापडलीय. मुंबई आणि मुंबई पोलिसांबाबत केलेल्या विधानामुळे सर्वच स्तरातून तिच्यावर टिका होत असून ती चांगलीच वादाच्या भोव-यात अडकली आहे. मनसे नेते अमेय खोपकर यांनी देखील सोशल मिडियाच्या माध्यमातून कंगनावर टिका करुन तिला कडक शब्दांत मनसे स्टाईल दणका दिली आहे. मुंबई पोलिसांबद्दल कुणीही ‘जजमेंटल’ होऊन ‘पंगा’ घेऊ नये अशा फिल्मी स्टाईलनेच तिला सणसणीत उत्तर दिले आहे.

मनसे नेते अमेय खोपकर यांनी केलेल्या ट्विटमध्ये म्हटले आहे की, “मुंबईत आज आमच्या बहिणी मध्यरात्रीसुद्धा कामावरुन बिनधास्त आपल्या घरी जातात याला कारण मुंबई पोलिस आहेत. आज मी मुंबईत सुरक्षित आहे ते केवळ मुंबई पोलिसांमुळेच. त्यांच्यावर कितीही ताण असला तरीही ते कशाचीही पर्वा न करता घट्ट पाय रोवून जनतेची सेवा करतात.”

pic.twitter.com/us9KyLYzOw

— Ameya Khopkar (@MNSAmeyaKhopkar) September 4, 2020

काय आहे प्रकरण;
अभिनेत्री कंगना राणौतनं संजय राऊत यांनी आपल्याला धमकी दिल्याचा दावा केला होता. ‘मुंबई पोलिसांची भीती वाटत असल्यास पुन्हा शहरात येऊ नकोस, असं म्हणत मला राऊत यांनी धमकी दिली असं ती म्हणाली. आधी झळकलेले आझादीचे फलक आणि आता मिळत असलेल्या उघड धमक्या यामुळे मुंबई पाकिस्तान व्याप्त काश्मीरसारखी का वाटू लागली आहे?’ असा सवाल कंगनानं ट्विटच्या माध्यमातून उपस्थित केला होता.

News English Summary: Actress Kangana Ranaut, who made controversial statements about Mumbai Police, is now in trouble. The statement about Mumbai and Mumbai Police has drawn criticism from all quarters and has been embroiled in controversy. MNS leader Ameya Khopkar has also criticized Kangana on social media and slammed her in MNS style.

News English Title: MNS leader Amey Khopkar slams to Kangana Ranaut who give her statement against Mumbai police Marathi News LIVE Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.