कंगनाला ९ तारखेला येऊ द्या | एअरपोर्टवर शिवसेना स्टाईलमध्ये समाचार घेतला जाईल

मुंबई, ५ सप्टेंबर : बॉलिवूड अभिनेत्री कंगना रणौतशी व्यक्तिगत भांडण नाही आहे. तिनं मुंबईची तुलना थेट पाकव्याप्त काश्मीरशी (POK) केली आहे. महाराष्ट्रचा, मुंबईचा अपमान करणारा कोणी असेल, मुंबईला पाकिस्तान म्हणण्याचा कृत्य हे अत्यंत गंभीर आहे. कंगनाला 9 तारखेला येऊ द्या, एअरपोर्टवर तिचं शिवसेना स्टाईलमध्ये समाचार घेतला जाईल, असा थेट इशारा शिवसेना खासदार संजय राऊत यांनी दिला आहे.

शिवसेना खासदार यांनी प्रसार माध्यमांशी बोलताना सांगितलं की, शिवरायांच्या महाराष्ट्रावर एखादी व्यक्ती अशा प्रकारे घाणेरड्या शब्दात टिप्पणी करत असेल तर हा एक पक्षाचा विषय नाही. 11 कोटी जनतेचा विषय आहे. कंगनाला मराठी समजत का? तिनं स्वतःचा ट्विटर हँडल स्वतः हँडल करावा. कोणत्या राजकीय पक्षाच्या आयटी टीमला द्यायची काय गरज आहे, असंही राऊत यावेळी म्हणाले.

“मी काल भारतीय जनता पार्टीच्या नेत्यांच्या भूमिकेचे वाचन केले. भाजपा नेते आशिष शेलार यांनी म्हटले की कंगना राणौतने मुंबईला अक्कल शिकवायची गरज नाही. आशिष शेलार यांनी हे अधिक आक्रमकपणे बोलले पाहिजे, हा महाराष्ट्र त्यांचा सुद्धा आहे. छत्रपती शिवाजी महाराज हे एका पक्षाचे नाही, एका जातीचे नाहीत तर देशाचे आणि महाराष्ट्राचे आहेत. अशा शिवरायांच्या महाराष्ट्रावर एखादी व्यक्ती अशा प्रकारे घाणेरड्या शब्दांत टिप्पण्णी करत असेल तर विषय एका राजकीय पक्षाचा नाही तर संपूर्ण महाराष्ट्राचा आहे, ” असे संजय राऊत म्हणाले.

याचबरोबर, मराठी वाचता येतं का? मुंबईत १०-१५ वर्षे राहतात आपण मराठी शिकलात का? म्हणून स्वत:चे ट्विटर हँडल स्वत:च वापरायचे, दुसऱ्यांना द्यायचे नसते. राजकीय पक्षांच्या आयटी टीमला देऊ नये म्हणून असे घोळ होतात, असा टोलाही संजय राऊत यांनी कंगना रानौतला लगावला आहे.

News English Summary: Whoever insults Maharashtra, Mumbai, the act of calling Mumbai Pakistan is very serious. Let Kangana come on the 9th, she will be reported at the airport in Shiv Sena style, Shiv Sena MP Sanjay Raut has given a direct warning.

News English Title: Shivsena warning to Kangana Ranaut she come on ninth at Mumbai what did MP Sanjay Raut say Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.